KUKHALA M’MASO NINGA AKRISTU
Yahova Asapulumusa Ale Akuti Atsukwala
Anthu onsene midzidzi inango asatsukwala. Kutsukwala nee ndi cidzindikiro cakuti munthu ndi wakufewa mwauzimu. Thangwi Bhibhlya isalonga kuti ngakhale Yahova atsukwalambo midzidzi inango. (Gen. 6:5, 6) Mphapo ndiye tani khala tisatsukwala kazinji kene peno ndzidzi onsene?
Phembani ciphedzo kuna Yahova. Yahova asadzudzumika kakamwe na mabvero athu. Iye asadziwa tingakhala akutsandzaya na tingakhala akutsukwala. Iye asabvesesa manyerezero athu na mabvero athu. (Mas. 7:9b) Cinthu cakufunika kakamwe ndi cakuti Yahova anatitsalakana, pontho anatiphedza toera kupirira tingatsukwala.—Mas. 34:18.
Tsidzikizani manyerezero anu. Tingakhala akutsukwala, pyenepi pinakhuyambo uxamwali wathu na Yahova. Na thangwi ineyi, tisafunika kutsidzikiza ntimathu na manyerezero athu.—Mis. 4:23.
ONANI VIDHYU YA NSOLO WAKUTI ABALE ATHU ASAKWANISA TANI KUKHALA MUNTENDERE MWAKUKHONDA TSALAKANA NYATWA, BULUKA PENEPO TAWIRANI MIBVUNDZO IYI:
Ndi pinthu pipi pidacita Nikki toera akwanise kukunda kutsukwala?
Thangwi yanji Nikki aona kuti akhafunika kusaka ciphedzo ca dotoro?—Mat. 9:12
Ndi munjira zipi Nikki anyindira ciphedzo ca Yahova?