Sakani Mbuto Yadidi Toera Kupfundza

Kodi imwe musafuna kupfundza pinthu pizinji pa pfundziro yanu ya munthu paekha? Pinthu ipi pinakuphedzani toera mukhonde kudzudzumika mu ndzidzi unapfundza imwe:

• Sakani mbuto yadidi. Wangisirani toera kugumana mbuto yakucena, pontho yakuti iri na ceza toera mukwanise kuleri mwadidi. Imwe munakwanisa kukhala pa kadera dhuzi na meza n’nyumba peno munakwanisa kukhala pa mbuto inango kunja.

• Sakani mbuto yakuti munakwanisa kukhala mwekhene. Yezu asankhula kucita phembero “namacibese kakamwe” pa ‘mbuto ya pace ekha.’ (Marko 1:35) Khala nee munakwanisa kugumana mbuto yakuti munakhala mwekhene, pangani anthu a pabanja panu peno ale anakhala na imwe, ndzidzi unafuna imwe kupfundza, pontho aphembeni toera akhonde kukudzudzumisani mu ndzidzi unoyu.

• Calirani pinthu pyakuti pinakudzudzumisani. Khala musaphatisira ntokodzi peno thabhuleti toera kupfundza, bwezani volume peno ikhani modo avião toera pikhonde kukudzudzumisani. Pontho mu ndzidzi unapfundza imwe mungakumbuka cinthu cakuti musafunika kucicita, cilembeni pa tsamba toera mucicite ndzidzi unango. Mungaona kuti nee muli kukwanisa kuikha manyerezero anu pa pfundziro, pumani pang’ono mbamufamba peno thamulani manungo.