Munakwanisa Tani Kukumbuka Mavesi a m’Bhibhlya?

Kodi musanentseka toera kugumana vesi ya Bhibhlya inakomerwa na imwe peno kukumbuka pinalonga iyo? Panango ndi lemba inaona imwe kuti ndi yakubalangaza, yakuti isakuphedzani kumalisa manyerezero akuipa peno mukhafuna kupangambo anango? (Mas. 119:11, 111) Tendeni tione pinthu pingasi pyakuti pinakuphedzani kukumbuka mavesi a m’Bhibhlya.

• Pfinyani pa khundu yakuti “Adicionar etiqueta”a mu aplikativo JW Library^®. Lembani mafala akuti “Malemba Anakomerwa na Ine,” buluka penepo ikhani pa khundu ineyi malemba anango anafuna imwe kukumbuka.

• Lembani pa tsamba vesi inafuna imwe kukumbuka. Buluka penepo iikheni pa paredhi ya kwartu yanu. Anangombo asabulusa foto ya vesi ineyi mbaiikha mu komputadhori peno n’telefoni toera aione ndzidzi onsene unafungula iwo komputadhori peno telefoni.

• Lembani matsamba akuti anakuphedzani kukumbuka, pontho aphatisireni. Lembani bukhu ya m’Bhibhlya, kapitulu na vesi pa khundu ibodzi, pontho khundu inango lembani pinthu pinalonga vesi ineyi. Natenepa, mungaona khundu ibodzi, wangisirani toera kukumbuka piri khundu inango.