Kulonga Munjira Yakukhonda Nentsa

1 Akorinto 14:9

MUSAFUNIKA KUCITANJI: Phedzani anyakubvesera anu toera abvesese mphangwa zinalonga imwe.

MUNACITA TANI PYENEPI:

• Pfundzani mwadidi khundu yanu. Bvesesani mwadidi mphangwa zinapfundza imwe toera mukwanise kuzifokotoza mwakukhonda nentsa, pontho phatisirani mafala anu ene.

• Phatisirani mafala akucepa na akukhonda nentsa. Maseze mphyakutawirika kuphatisira mafala mazinji, mbwenye phatisirani mafala akucepa pakulonga ntsonga zakufunika.

• Fokotozani mafala akuti anthu azinji nee asaadziwa. Pingakwanisika, phatisirani mafala akuti anyakubvesera anu asaadziwa. Fokotozani mungalonga fala yakukhonda dziwika, anthu analongwa m’Bhibhlya, peno pinthu pinango pyakuti azinji nkhabe kupidziwa.