Pyakulonga Pa Kugawira Marevista

A Sentinela 15 de Junho

“Kodi musadziwa kuti tingakwanise kukhala akutsanzaya maseze tithimbane na nyatwa? [Dikhirani ntawiro.] Revista iyi isapangiza ncera wa citsogolero cakuti cingakwanise kutiphedza kuthimbana mwakupembera na nyatwa za umaso. Iyo isalongambo pya mphambvu yakuphedza ya cidikhiro candimomwene.” Lerini Apokalipse 21:3, 4.

Despertai! ya Junho

“Kodi musatawira tayu kuti pidengwa pyacincino pisagomezera kufunika kwa kubvera macenjezo? [Dikhirani ntawiro.] Nsolo uyu usadinga pipfunziso pidapfunza anyakupulumuka pa Conzi cinacemerwa Katrina. Usalongambo pya cenjezo inafunika kubverwa na ife tonsene lero.” Gomezerani nsolo unatoma pa tsamba 14.

A Sentinela 1.° de Julho

“M’dziko ya lero yakudzala na nyatwa, anthu azinji asabvunza: ‘Thangwi yanji umaso wadzala kakamwe na nyatwa? Khala Mulungu alipo, thangwi yanji iye nkhabe malisa pinenso?’ Kodi mwatoma kunyerezera pyenepi? [Dikhirani ntawiro.] Revista iyi isapereka matawiro a Biblya a mabvunzo anewa.” Lerini 2 Timoti 3:16.

Despertai! ya Julho

“Mabanja akuinjipa kakamwe lero ali m’nyatwa. Kodi m’maonero mwanu musadziwa kuti anyakukwatana angakwanise kuphindula m’kuphatisira uphungu uyu wakupumirwa? [Lerini Aefesi 4:32. Buluka penepo dikhirani ntawiro.] Despertai! iyi isadinga midida ya Biblya yakuthema yakuti ingakwanise kutiphedza kumanga banja yakutsanzaya.”