Pyakulonga Pa Kugawira Marevista

A Sentinela 1.° de Abr.

“Nakuti mpfuma za dziko yapantsi zikuphatisirwa mwakuipa, kodi mwatoma kale kubvunzika khala dziko yapantsi inadzapulumuka? [Dikhirani ntawiro.] Onani pikiro iyi yakukomeresa. [Lerini Masalmo 104:⁠5.] Nsolo uyu usapangiza pinalonga Biblya thangwi ya ntsogolo ya dziko yapantsi.” Pangizani nsolo unatoma pa tsamba 10.

Despertai! ya Abr.

“Na pyonsene pinafunika ife kucita, anango asaona kukhala kwakunensa kukoya ndzidzi towera kulambira Mulungu. Kodi imwe musaonambo pyenepi kukhala pyakunensa? [Dikhirani ntawiro. Buluka penepo lerini Aefesi 5:​15-17.] Nsolo uyu usapereka mafokotozero akulinganira a Biblya akulonga kuti ndi ndzidzi ungasi na mphambvu za ntundu wanji zinadikhira Mulungu kuti tizibvunge kwa iye.” Pangizani nsolo unatoma pa tsamba 20.

A Sentinela 1.° de Maio

“Anthu azinji asalonga kuti iwo asakhulupira pinthu pyakuti angakwanise kupiona basi. Kodi imwe musatawirambo nyerezero yawo? [Dikhirani ntawiro. Buluka penepo lerini Aroma 1:​20.] Revista iyi isagomezera makhaliro matatu a Mulungu akuti tingakwanise kuaona mwapakweca m’pyakucitwa na kudinga kuti kudziwa makhaliro anewa kungakwanise tani kutikhuya.”

Despertai! ya Maio

“Anthu azinji lero asagopa kutsogolo. Kodi imwe musanyerezera kuti pinthu pinadzakhala mwadidi, peno musanyerezera kuti pinadzaipiretu? [Dikhirani ntawiro. Buluka penepo lerini Apokalipse 21:​3, 4.] Revista iyi isafokotoza kuti thangwi yanji tingakwanise kukhala na cinyindiro cakuti Mulungu anadzamalisa cincino nyatwa zakunensa zakuti anthu acimwana kuzimalisa.”