Pyakulonga Pa Kugawira Marevista

A Sentinela 1.° de Agosto

“Kodi imwe musatawira kuti kubvera ntemo uyu wa Yezu kunakwanisa kuthimizira citsanzayo m’banja? [Lerini Jwau 13:​34. Dikhirani ntawiro.] Nsolo uyu usapangiza kuti pipfunziso na citsanzo ca Yezu pinaphatisirwa tani na anthu onsene m’banja.” Pangizani nsolo pa tsamba 16 na 17.

Despertai! ya Agosto.

“Kodi imwe musanyerezera kuti mautongi a anthu anadzakwanisa kumalisa kupisa kwa dziko yonsene yapantsi kunaoneka lero? [Dikhirani ntawiro. Buluka penepo lerini Yeremiya 10:​23.] Imwe munadzatsanzaya na nsolo uyu. Usagomezera kuti Mulungu anamalisa tani nyatwa zinanensa anthu mu dziko yathu.”

A Sentinela 1.° de Set.

“Athu azinji asadziwa mwadidi mafala a Yezu anagumanika pa Mateo 6:⁠9. [Lerini.] Mbwenye, azinji asaona kukhala kwakunensa kufendedzera paduzi Mulungu ninga Baba. Kodi imwe musanyerezera kuti ife tinakwanisa kufendedzera paduzi Mulungu mu njira ipi? [Dikhirani ntawiro.] Revista iyi isapangiza makhaliro akusiyana-siyana a Babathu wakudzulu na kuti tinakwanisa tani kundziwa mwadidi.”

Despertai! ya Set.

“M’madzana a piaka, anthu asaketesana thangwi ya umaso pakumala kufa. Kodi imwe musanyerezera tani? [Dikhirani ntawiro.] Onani cikhulupiro cidapangiza Yobe. [Lerini Yobe 14:​14, 15.] Misolo iyi isapangiza maonero a Biblya a umaso pakumala kufa.”