Pyakulonga Pa Kugawira Marevista

A Sentinela 1.° de Set.

“Ndi kupi kunanyerezera imwe kuti tinakwanisa kugumana uphungu wakunyindirika pakuthimbana na pisankhulo pyakufunika? [Dikhirani ntawiro. Lerini Misangani 3:5, 6.] Nsolo uyu usagomezera udziwisi waumulungu wa kudinga pinafuna kucitika thangwi ya pisankhulo pyathu.” Gomezerani nsolo pa tsamba 8.

Despertai! ya Set.

“Imwe musanyerezera kuti Mulungu akhafuna kuti anthu athabuke na kusoweka kwa cakudya kunaoneka pa dziko yapantsi lero? [Dikhirani ntawiro.] Onani cifuniro cace ca kumalisa nyatwa ineyi. [Lerini Masalmo 72:16.] Nsolo uyu usafokotoza kuti Mulungu anadzabwezera tani Paradizu pa dziko yapantsi.” Pangizani nsolo pa tsamba 7.

A Sentinela 1.° de Out.

“M’midzidzi ino ya nyatwa, azinji asadzudzumika thangwi ya kutsogolo. Ndi ninji cinakuphedzani towera kukhala na maonero adidi? [Dikhirani ntawiro.] Onani pikiro iyi ya Bhibhlya. [Lerini Izaiya 65:17.] Revista iyi isapereka mathangwi adidi towera kukhala na maonero akulinganira a kutsogolo.”

Despertai! ya Out.

“Interneti ndi feramentu ya kufunika kakamwe, mbwenye isacitisa anapiana kukhala pa ngozwi zizinji. Musanyerezera kuti tinakwanisa tani kuatsidzikiza? [Dikhirani ntawiro.] Ndaphata mwendo onani mafala awa. [Lerini na fokotozani Misangani 18:1.] Uyu ndi ubodzi mwa midida mitanthatu ya Bhibhlya yakuti isagomezerwa mu nsolo uno towera kuphedza anyakubala kutsidzikiza anawo.” Pangizani nsolo pa tsamba 8.