Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Khoni

“Azinji analonga na ife asafuna kuona ntendere pa dziko. Mbwenye, nkhondo zikupitiriza. M’maonero anu, thangwi yanji ntendere pa dziko ndi wakunentsa?” Dikhirani ntawiro. Buluka penepo, pangizani tsamba yakumalisa ya A Sentinela ya 1.° de Junho, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Cidzindikiro: Citsandzo ceneci cisafunika kupangizwa pa nsonkhano wa basa ya m’munda, ntsiku 1 ya nthanda ya Nkhoni.

A Sentinela 1.° de Junho

“Tirikucedza na anthu a cisa cino toera kulonga pya nyatwa yakudziwika. Anthu azinji asathimbana na tsangulo mu ndzidzi ubodzi na unango. Musanyerezera kuti iripo mbuto mu dziko ino kuti nkhabe gumanika tsangulo? [Dikhirani ntawiro.] Onani kuti Mulungu asaona tani anthu onsene. [Lerini Machitiro 10:34.] Revista iyi isafokotoza kuti Mulungu anamalisa tani tsangulo kwa anthu onsene.”

Despertai! de Junho

“Tisafuna kudziwa maonero anu thangwi ya mbvundzo uyu. Mphyacibaliro kufuna umaso wadidi. Musanyerezera kuti tinakwanisa kukhala na umaso unoyu mu kugula pinthu pizinji pyakumanungo? [Dikhirani ntawiro.] Onani mafala awa a Yezu. [Lerini Luka 12:15.] Revista iyi isapangiza maonero akulinganira thangwi ya pinthu pyakumanungo, pontho isapereka maonero akuphedza kakamwe towera kuphatisira mwadidi kobiri.”