Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Malimwe

“Anthu onsene asaphembera mu ndzidzi ubodzi ene peno wakusiyana. Ngakhale ale anakhonda kukhalapo kwa Mulungu asaphembera pa ndzidzi wa nyatwa. Musanyerezera kuti Mulungu asabvesera maphembero onsene?” Dikhirani ntawiro. Pangizani tsamba yakumalisa ya A Sentinela ya 1.° de Agosto, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Cidzindikiro: Citsandzo ceneci cisafunika kupangizwa pa nsonkhano wa basa ya m’munda, ntsiku 3 ya nthanda ya Malimwe.

A Sentinela 1.° de Agosto

“Tiri kucedza na anthu thangwi azinji asadzudzumika na kumwazika kwa ucipezipezi. Natenepa, anango asaona ucipezipezi ninga ubalangazi wakuphekesa. Ndi api maonero anu? [Dikhirani ntawiro.] Yezu alonga kuti tinakwanisa kudziwa khala cinthu ndi cadidi kubulukira ku misapo yace. [Lerini Mateo 7:17.] Revista iyi isalonga pya misapo inabalwa na ucipezipezi. Pontho isapereka njira zadidi toera kusiya kuona ucipezipezi.”

Despertai! de Agosto

“Azinji mwa ife asafuna kukhala na umaso mu ndzidzi wakulapha. Musanyerezera kuti ntsiku ibodzi kuthambaruka kwa siyensiya kunacitisa toera tikhale kwenda na kwenda? [Dikhirani ntawiro.] Onani pikiro iyi yakutsandzayisa. [Lerini 1 Akorinto 15:26.] Kodi Mulungu anadzakwanirisa pyenepi kubulukira mu siyensiya peno mu njira zinango? Thangwi yanji ife cincino tisakalamba na kufa? Revista iyi isapangiza matawiro a Bhibhlya ku mibvundzo ineyi.”