Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Mainza

“Anthu azinji asayang’anira kubwera kwa Yezu. Yezu angabwera, ndi cinthu cipi cibodzi cinafuna imwe toera iye acicite?” Dikhirani ntawiro. Pangizani tsamba yakumalisa ya Ncenjezi 1 wa Mainza, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

A Sentinela 1 wa Mainza

“Tiri na mabasa mazinji lero toera kucita kwakuti kunakhala kwakunentsa toera kunyerezera pya Mulungu. Musanyerezera kuti mphyakufunika kuti Mulungu acite khundu mu umaso wathu? [Dikhirani ntawiro.] Mu Nkhani yace ya Paphiri yakudziwika kakamwe, Yezu alonga kuti tisafunika kukhala na pifuno pyauzimu toera kutsandzaya mwandimomwene. [Lerini Mateo 5:3, Tradução do Novo Mundo.] Revista iyi isalonga mathangwi matatu akuti Mulungu asafunika kucita khundu mu umaso wathu.

Despertai! de Dezembro

“Azinji a ife asakhala na maonero kubulukira mu pire pinabva ife peno pinaleri ife m’matsamba a mphangwa. Musanyerezera kuti mphangwa zinatambira ife ndi zakulinganira na zandimomwene? [Dikhirani ntawiro.] Bhibhlya isatipanga toera ticite mphole-mphole khala tisafuna kunyindira pinabva ife. [Lerini Yobe 12:11.] Revista iyi isapereka maonero mangasi toera kutiphedza kudinga mafala anabva ife na analeri ife.”