Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Thongwe

“Anthu azinji ali na maonero awo ene thangwi ya Mulungu. Anango asanyerezera kuti Mulungu ndi mphambvu yakukhonda dziwika mwadidi. Anango asamuona ninga Baba wakudzulu wakuti ndi waufuni. Musanyerezera kuti Mulungu akhala tani?” Dikhirani ntawiro. Mpangizeni tsamba yakumalisa ya Ncenjezi 1 wa Thongwe, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

A Sentinela 1 ya Thongwe

Tikucedza na anthu toera kudinga cinthu cakuti cisakhuya ife tonsene​—kuferwa na nyakufunika. Musatawira kuti kuferwa na xamwali wakufunika peno wacibale ndi cinthu cakunentsa kakamwe? [Dikhirani ntawiro.] Azinji asaona kuti vesi iyi ya m’Bhibhlya isaabalangaza. [Lerini Izaiya 25:8.] Revista iyi isadinga pikiro yakuwangisa ya Bhibhlya inalonga pya kumalisa kufa na kulamuswa kwa anyakufunika athu adafa.”

Despertai! de Janeiro

“Musatawira kuti mabanja asathimbana na mikakamizo mizinji lero? [Dikhirani ntawiro.] Nsangani uyu wa m’Bhibhlya usatipanga kuti mabanja asafunika acitenji toera kuphedza na kuwangisa anthu a pa banja. [Lerini Misangani 24:3.] Azinji asaona kuti Bhibhlya ndi pfuli ya cidziwiso cakunyindirika. Revista iyi isapangiza Web site ibodzi basi inalonga pya Bhibhlya, yakuti iri na maferamentu akukhonda lipa toera kuphedza mabanja.”