Maperekero Aumboni

Toera Kutomesa Mapfundziro a Bhibhlya pa Sabudu Yakutoma Ya Nyenzi

Anthu azinji asakhulupira aanju. Imwembo? [Dikhirani ntawiro.] Aanju ali na mphambvu kakamwe, mphapo musanyerezera kuti iwo anakwanisa kutiphedza? Bhibhlya isatipangiza kuti iwo asaphedza tani anthu lero.” Pangizani tsamba yakumalisa ya Ncenjezi 1 ya Nyenzi, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Ncenjezi 1 ya Nyenzi

Musanyerezera kuti anthu akugudjula dziko mbisowa maphatikiro? [Dikhirani ntawiro.] Maseze anthu nkhabe kwanisa kusasanyira pidagudjula iwo, Bhibhlya isatipanga kuti Mulungu anakwanisa kuisasanyira, pontho iye asafuna kucita pyenepi. Tiri na cinyindiro ceneci pa Masalmo 65:9. [Lerini.] Revista iyi ya Ncenjezi isafokotoza kuti Mulungu anadzatsalakana tani dziko, pontho kuti tinakwanisa tani kuwina nkhombo zenezi za ntsogolo. Ndikusiyireni revista toera kuleri?”

Despertai! de Setembro

Anthu azinji asaona kuti nkhabe cinafuna iwo kucita toera kucalira mikakamizo ya basa izinji inapaswa iwo na patrau wawo. Anyakudziwisa asalonga kuti kunjipirwa na basa kusanetesa, mbipibweresa ngozwi yakumanungo na ya manyerezero. Musanyerezera kuti ninji cinafuna kuphedza munthu toera kukhala na maonero akulinganira mu umaso? [Dikhirani ntawiro.] Pana vesi yadidi kakamwe ya Bhibhlya. [Lerini Koelete 4:6.] Revista iyi isafokotoza njira zinai zakuti tinakwanisa tani kuikha pinthu pa mbuto yakutoma mbatithimbana na kuneta.”