Phatisirani Web Site Yathu Mu Utumiki​—“Kutawirwa Kwa Mibvundzo Ya Bhibhlya”

Pa “Ensinos Bíblicos” mu jw.org pana khundu yakuti “Perguntas Bíblicas Respondidas.” Tingadziwa mwadidi mibvundzo ineyi inacitwa kazinji kene, tinakwanisa kupangiza anaciro nyumba anacita mibvundzo toera kuona Web site yathu na kugumana matawiro a Bhibhlya. Mibvundzo ineyi inakwanisa kuphatisirwambo toera kutomesa makani mu utumiki. Tinakwanisa kucita mbvundzo wakuti unacitisa anthu kupangiza cifuno mu cisa cathu, phembani maonero a mwanaciro nyumba. Buluka penepo mpangeni pinalonga Bhibhlya mu kuphatisira maonero anagumanika mu jw.org. Tingamala tinakwanisa kufokotoza peno kumpangiza kuti tagumana kupi ntawiro wathu. Maonero anango ndi kumphemba toera kuleri ntawiro mu Web site. Nkazi wa muyang’aniri wa cisa unango asaphindula kakamwe angalonga kuti: “Anthu azinji asasaka kudziwa, ‘Kodi ndi Mulungu anacitisa nyatwa zathu?’ Musafuna kudziwa ntawiro m’masegundu 51 basi?” Buluka penepo, iye asaliza audyo mu ntokodzi wace idakopyari iye mu Interneti. Pakumalisa iye asaphatisira nsolo 11 wa bukhu Biblya Isapfunzisanji.