Gawanani “Pinthu Pyadidi” Mu Kukhala Akutambira Alendo (Mat. 12:35a)

Mwakukhonda penula, tonsene tisafunika kugawana “pinthu pyadidi” na anango mu kupangiza nzimu wa ‘kutambira alendo.’ (Arom. 12:13) Akulu a mpingo ndiwo anacita masasanyiro a kutambira anyakucita nkhani alendo na kukhunganya kobiri toera kulipa ulendo wawo. Mbwenye, ife panango tisanyinyirika kutambira alendo thangwi ya kukhala na pinthu pyakucepa, peno tisakhala na manyadzo thangwi yakukhonda khala na nyumba yadidi. Kubvera kwathu uphungu udapereka Yezu kuna Marta kunatiphedza kukunda mabvero anewa. (Luka 10:39-42) Iye agomezera kuti “phindi yadidi” ya kutambira alendo ndi kulisa ubale na kuwangisana, tayu kukhunganyika cakudya cizinji peno kubalikisa nyumba. Tingaphatisira uphungu unoyu, tinakwanisa kugawana “pinthu pyadidi” na abale athu mwakubverana na Mafala a Mulungu.​—3 Jwau 5-8.