Maperekero Aumboni

Kampanya Yakugawira Micemerero Ya Cikumbuso

“Tikugawira ncemerero uyu wa cakucitika cakufunika kakamwe. Pa ntsiku 3 ya Bwinja, pikwi na pikwi pya anthu pa dziko yonsene yapantsi anadzagumanyikana toera kukumbuka kufa kwa Yezu Kristu na kubvesera nkhani yakukhonda lipa inalonga kuti tinaphindula tani na kufa kwace. Ncemero uyu usapangiza ndzidzi na mbuto inafuna kudzagumanyikana anthu n’cisa cathu.”

Ncenjezi 1 ya Murope

“Ntsiku 3 ya Bwinja ndi ntsiku inafuna kukumbukirwa kufa kwa Yezu Kristu. Anango n’cisa cathu anadzagumanyikana toera kukumbukira cakucitika ceneci, mbwenye anango mwa iwo nee asadziwa kuti kufa kwa Yezu ndi kwakufunika. Ndi api maonero anu? Kodi musaona kuti kufa kwa Yezu na kulamuswa kwace muli akufa kusatiphindulisa? [Dikhirani ntawiro.] Onani kuti Mafala a Mulungu asalonganji thangwi ya pyenepi. [Lerini 1 Akorinto 15:22, 26.] Revista iyi isafokotoza phindu ya ntsogolo kubulukira mu ntsembe ya ciomboli ca Yezu​—yakuti nee m’bodzi wakukhala pa dziko yapantsi anadzafa.”

Despertai! de Março

“Tikucedza mwacigwagwa na anyakuendekana athu toera kuapangiza revista ipswa ya Despertai! [Pangizani tsamba yakutoma.] Munthu onsene ali na maonero ace thangwi ya mbvundzo uyu wakutoma: ‘Kodi Mulungu alipo?’ M’maonero anu, mbani ali na maonero adidi kakamwe thangwi ya ntsogolo​—ale anakhulupira Mulungu peno ale anakhonda kunkhulupira? [Dikhirani ntawiro.] Pana pikiro ya Mulungu yakuti isapasa cidikhiro anthu azinji. [Lerini Masalmo 37:10, 11.] Revista iyi isapangiza mathangwi manai anacitisa anthu kusaka khala Mulungu alipo.”