Tisafunika Kukhunganyika Toera Kupfundzisa Mwaluso

Yezu acitwa mbvundzo ubodzi ene maulendo mawiri unalonga thangwi ya umaso wakukhonda mala, mbwenye m’maulendo onsene iye atawira mwakubverana na cifuno ca nyakubvundza. (Luka 10:25-28; 18:18-20) Natenepa, maseze tisadziwa mwadidi mphangwa zinafuna ife kudinga pa pfundziro ya Bhibhlya, tisafunika kukhunganyika mwanyapantsi mbatinyerezera nyakupfundza wathu. Ndi ntsonga zipi zakuti panango ananentseka toera kuzibvesesa peno kukhulupira? Ndi lemba ipi yakuti tisafunika kuileri? Tinapfundza ndima zingasi? Tisafunika kukhunganya citsandzo, kufokotoza peno kukhunganya mibvundzo toera kuphedza nyakupfundza kubvesesa ntsonga. Mwakuthimizira, nakuti ndi Yahova anacitisa mbeu za undimomwene kukula mu ntima mwa munthu, tisafunika kuphemba Yahova kuti atiphedze munakhunganyika ife toera kacitisa pfundziro, aphedze nyakupfundza na kuwangisira kwathu toera kuphedza nyakupfundza mwauzimu.​—1 Akor. 3:6; Tgo. 1:5.