Kululupisa Umaso Wathu Kusatiphedza Toera Kusimba Mulungu

Lero, mphyakukhonda nentsa kudzudzumisa umaso wathu na pinthu pizinji. Pasafunika ndzidzi toera kugula, kulipa, kukoya, kutsidzikiza na kuphatisira pinthu. Yezu akhali na umaso wakululupa toera akhonde kudzudzumiswa na pinthu pyakumanungo mu utumiki wace.​—Mat. 8:20.

Munakwanisa tani kululupisa umaso wanu toera mukwanise kucita pizinji mu utumiki? Munakwanisa kucita macinjo toera m’bodzi wa m’banja yanu atumikire ninga mpainiya? Maseze panango muli m’basa ya ndzidzi onsene, kodi mwatawirisa mwapang’ono pang’ono kuti pinthu pyakumanungo pidzudzumise umaso wanu? Kululupisa umaso toera kutumikira Yahova ndi cinthu cakutsandzayisa kakamwe.​—1 Tim. 6:7-9.

Lembani pinafuna imwe kucita toera kululupisa umaso wanu.