KUKHALA MASO NINGA AKRISTU

SUMANA 13-19 YA MADZALO Phedzani Ananu Toera Akhale na Cikhulupiro Cakuwanga Kwa Nciti

Pyakucitwa pisapasa mbiri Yahova. (Masal. 19:1-4; 139:14) Mbwenye maonero a dziko ya Dyabo akuti umaso watoma tani, asacitisa anthu toera akhonde kulemedza Mulungu. (Arom. 1:18-25) Kodi munacita tani toera maonero anewa akuphonyeka akhonde kukula m’manyerezero mwa ananu? Aphedzeni kutomera mu uwana wawo toera kukhulupira kuti Yahova alipo, pontho iye asatsalakana ife tonsene. (2 Akor. 10:4, 5; Aef. 6:16) Citani pyonsene pinakwanisa imwe toera kudziwa pinapfundziswa ananu kuxikola na phatisirani maferamentu mazinji ali na ife toera kukhuya mitima yawo.—Mis. 20:5; Tya. 1:19.

Baba akupfundzisa anace thangwi ya pyakucitwa; akupfundzisa mu sala thangwi ya kusanduka kwa pinthu; O Que Outros Jovens Dizem—Deus Existe?

ONANI VIDYU YAKUTI O QUE OUTROS JOVENS DIZEM—DEUS EXISTE? BULUKA PENEPO, TAWIRANI MIBVUNDZO IYI:

Kodi anthu azinji asalonganji thangwi ya ale anakhulupira Mulungu?
Kodi kuxikola musapfundziswa kuti umaso watoma tani?
Ninji cinakucitisani kukhulupira kuti Yahova alipo?
Munakwanisa tani kuphedza munthu toera kudzindikira kuti Mulungu ndi adacita pinthu pyonsene?