Kodi Imwe Musakhulupira Mapikiro a Yahova na Ntima Onsene?

Yoswa na Salomoni acitira umboni wakuti mapikiro onsene a Yahova asakwanirisika. (Yos. 23:14; 1 Ama. 8:56) Umboni wakunyindirika wa anthu anewa awiri usatiphedza toera tikhale na cikhulupiro cakuwanga.—2 Akor. 13:1; Tito 1:2.

Kodi Yahova akwanirisa tani mapikiro ace mu ntsiku za Yoswa? Onani pabodzi na banja yanu vidyu yakuti ‘Nee Fala Ibodzi Idakhonda Kwanirisika.’ Buluka penepo, tawirani mibvundzo iyi: (1) Munatowezera tani cikhulupiro ca Rahabe? (Aheb. 11:31; Tya. 2:24-26) (2) Kodi citsandzo ca Akani cisapangiza tani ngozwi yakukhonda kubvera? (3) Maseze amuna a Gidheoni akhali anyankhondo, thangwi yanji iwo anyengeza Yoswa mbakhazikisa ntendere na Aisraeli? (4) Kodi mafala a Yahova akwanirisika tani mu ndzidzi ukhathuswa Aisraeli na amambo axanu a Amoni? (Yos. 10:5-14) (5) Ndi nkhombo zipi zinakhala na imwe thangwi yakuikha Umambo wa Mulungu na ulungami wace pa mbuto yakutoma mu umaso wanu?—Mat. 6:33.

Tinganyerezera pyonsene pidacita Yahova, pinacita iye na pinafuna kudzacita iye, cikhulupiro cathu ku mapikiro ace cinadzakhala cakuwanga kakamwe.—Arom. 8:31, 32.