KUKHALA MASO NINGA AKRISTU
Kuthimizira Maluso Athu mu Utumiki—Kuphatisira JW.ORG
THANGWI YANJI MPHYAKUFUNIKA: Mabukhu athu onsene anaphatisira ife toera kupfundzisa asalonga pya jw.org. Mwandimomwene cifuniro cikulu ca ncemerero wakupita nawo mu jw.org na tratadho yakuti Tinagumana Kupi Matawiro a Mibvundzo Mikulu Thangwi ya Umaso? ndi kuphedza anthu toera apite mu site yathu.Imwe munakwanisa kutumizira munthu ibodzi mwa mabukhu anaphatisira ife pakupfundzisa anagumanika mu jw.org mukuphatisira e-mail peno mukuntumizira link toera afungule ekha site yathu. Pyenepi pinatiphedza kakamwe makamaka tingamwaza mphangwa kuna munthu analonga cilongero cinango. Kusiyapo pyenepi, m’midzidzi inango anthu asacita mibvundzo yakuti nkhabe kutawirwa m’mabukhu anaphatisira ife pakupfundzisa. Natenepa, tingadziwa kuphatisira site yathu, tinaphedza anthu azinji kakamwe m’basa yathu yakumwaza mphangwa.
TINACITA TANI PYENEPI:
Phatisirani khundu yakuti “PIPFUNDZISO PYA M’BHIBHLYA.” Nyerezerani kuti mukumwaza mphangwa kuna nyakubala wakuti asafuna kudziwa pizinji thangwi ya kukuza anapiana. Phatisirani khundu yakuti PIPFUNDZISO PYA M’BHIBHLYA > ANYAKUMANGA BANJA NA ANYAKUBALA.
Phatisirani khundu yakuti “MABUKHU.” Nyerezerani kuti mukupereka umboni wantsusukano kuxikola, pontho musafuna kugawira bruxura yakuti Matawiro a Mibvundzo 10 Inacita Aphale na Atsikana kuna ndzanu wa kuxikola. Phatisirani khundu yakuti MABUKHU > MABUKHU NA MABRUXURA.
Phatisirani khundu yakuti “QUEM SOMOS.” Nyerezerani kuti mukucedza na ndzanu wakubasa wakuti asafuna kakamwe kudziwa thangwi ya pinakhulupira ife. Phatisirani khundu yakuti QUEM SOMOS > PERGUNTAS FREQUENTES.
ONANI VIDHYU YAKUTI USE O JW.ORG, BULUKA PENEPO NYEREZERANI KUTI MUNAPHATISIRA KHUNDU IPI YA SITE TOERA KUPHEDZA:
munthu wakuti nkhabe khulupira Mulungu
munthu adagwerwa na cidengwa cincino
m’bale peno mulongo wakufewa mwauzimu
munthu anacitira imwe ulendo wakubwereza wakuti asafuna kudziwa kuti basa yathu isaphedzerwa tani
munthu wa dziko inango wakuti asafuna kugumanika pa misonkhano ku dziko yace