‘Muoni Toera Kupasa Yahova’

Kodi ife lero ‘tinapasa tani muoni Yahova’? (1 Pya dziko. 29:5, 9, 14) Pantsi apa pana njira zakusiyana-siyana zakucita pyakupereka toera kuphedzera basa inacita Mboni za Yahova mu dziko yathu na inacitwa pa dziko yonsene.

PYAKUPEREKA PINACITA IFE MU SAITI YATHU PENO M’MABOKOSI PISAPHEDZERA:

• 

  BASA INACITWA PA DZIKO YONSENE YAPANTSI

  basa yakumanga, basa inacitwa m’mafiliali na nyumba zinathumburuzirwa mabukhu

  maxikola a utumiki wa Mulungu

  atumiki anacita basa yakupambulika ya ndzidzi onsene

  kuphedzera ale anagwerwa na cidengwa

  kudhinda mabukhu, kuaikha mu saiti yathu na kucita mavidhyu

• 

  TOERA KUGULA PINAFUNIKA PA MPINGO

  ninga maluju, madzi, kusasanyira papswa Nyumba ya Umambo na pinango

  cisankhulo cinacita mpingo cakutumiza kobiri ku filiali toera kuphedzera:

  • basa yakumanga Nyumba za Umambo na Nyumba zakucitira Misonkhano pa dziko yonsene yapantsi

  • basa inacitwa pa dziko yonsene yapantsi yakuphedzera pangaoneka pidengwa

  • na mabasa anango anacitwa pa dziko yonsene

MISONKHANO YA GAWO NA YA CISA

Pyakupereka pinacitwa pa nsonkhano wa gawo pisatumizwa toera kuphedzera basa inacitwa pa dziko yonsene yapantsi. Natenepa kobiri ineyi inatumizwa toera kuphedzera basa inacitwa pa dziko yonsene yapantsi, isaphatisirwa pontho toera kuphedzera misonkhano ya gawo, yakupambulika na misonkhano mikulu inacemerwa abale na alongo a m’madziko onsene.

Pyakupereka pinacitwa pa nsonkhano wa cisa pisaphatisirwa toera kusasanyira mbuto zinacitirwa misonkhano ineyi na kutsalakana pinthu pinango. Kobiri ingasala, midzidzi inango abale anayang’anira misonkhano ya cisa asaitumiza toera iphedzere basa inacitwa pa dziko yonsene na Mboni za Yahova.