MPFUMA ZA MAFALA A MULUNGU | AKOLOSE 1-4
Dulani Uunthu Wanu Wakale, Mbwenye Bvalani Uunthu Upswa
Kodi imwe mwacita macinjo makulu mu umaso wanu pidapfundza imwe undimomwene? Khalani na cinyindiro cakuti Yahova akomerwa kakamwe na kuwangisira kwanu. (Ezek. 33:11) Mbwenye tisafunika kuwangisira toera tikhonde kubvala uunthu wathu wakale, pontho tisafunika kupitiriza kubvala uunthu upswa. Tawirani mibvundzo inatowera toera kuona makhundu anafunika imwe kusasanyira:
Munthu anganditsukwalisa, ndisapitiriza kukoya pinthu muntima?
Kodi ndisapirira ndingadembuka peno ndinganeta?
Ndingakhala na manyerezero aulukwali, ndisaafudza mwakucimbiza?
Kodi ndisakhala na mabvero akuphonyeka kuna anthu a dzindza peno dziko inango?
Kodi ine ndalonga mwaukali peno mwakuipirwa na munthu unango masumana adapita?