KUKHALA MASO NINGA AKRISTU

Yahova Asafuna Anthu Akucena

Anyakubala azinji asawangisira kupfundzisa anawo toera akhale akucena. Iwo asaapanga: “Samba manja, pswaira n’nyumba, kataye lixo.” Midida ineyi inalonga thangwi ya unyai yabuluka kuna Mulungu wathu wakucena. (Eks. 30:18-20; Deut. 23:14; 2 Akor. 7:1) Manungo athu na pinthu pyathu pingakhala pyakucena pisapasa mbiri Yahova. (1 Ped. 1:14-16) Ndiye tani pya nyumba yathu na pinthu pidazungulira nyumba yathu? Mwakusiyana na anthu anataya lixo n’njira, m’maparke, Akristu asacita pyonsene pinakwanisa iwo toera kuphedzera kuti mbuto zenezi zikhale zakucena. (Masal. 115:16; Apok. 11:18) Ngakhale mu pinthu ping’ono ife tisapangiza kukhala akucena. Mwacitsandzo, tingamala kudya mafigu, misale, manga peno pinthu pinango, tisataya kupi makoko ace? Ife tisafunika “kupangiza kuti ndife atumiki a Mulungu” mu pinthu pyonsene pinacita ife.—2 Akor. 6:3, 4.

ONANI VIDHYU YAKUTI DEUS AMA PESSOAS LIMPAS, BULUKA PENEPO TAWIRANI MIBVUNDZO IYI:

Ninji pinacitisa anango kukhonda khala akucena?
Mwambo wa Mose usapangiza tani maonero a Yahova thangwi ya unyai?
Makhaliro athu anakwanisa tani kusimba Yahova?

Baba akupita m’motokala ya mwanace yakuti yapswipa kakamwe; baba akucedza na mwanace midida ya Yahova inalonga pya unyai; anyantsembe awiri a mu ndzidzi wa Izraeli ali dhuzi na basiya ya nkuwa toera kusamba manja na miyendo; abale akubuluka m’motokala wa mwana wakuti waceneswa mwadidi mbaenda kamwaza mphangwa — Ndinapangiza tani kuti ndiri na maonero mabodzi ene ninga a Yahova thangwi ya unyai?