Khalani Wakucepeseka, Pontho Calirani Kupasika Mbiri

Pinthu pinacita munthu wakudzikuza na wakupasika mbiri nee pisawangisa anthu anango. Bhibhlya isalonga: ‘Leka kusimbika wekhene na mulomo wako, mbwenye usimbwe na unango.’—Mis. 27:2.

PANGIZANI VIDHYU YA NSOLO WAKUTI KHALANI XAMWALI WA YAHOVA—KHALANI WAKUCEPESEKA, BULUKA PENEPO TAWIRANI MIBVUNDZO IYI:

• Ndi pinthu pipi pinacitisa anango toera kukhala akudzikuza?

• Thangwi yanji Kalebe akhadzikuza pamaso pa xamwali wace?

• Ninji pidacita pai wace toera kum’phedza kukhala wakucepeseka?

• Kodi lemba ya 1 Pedhru 5:5 inatiphedza tani toera kukhala akucepeseka?