Kuthimizira Maluso Athu Mu Utumiki​—Kumwaza Mphangwa Mukuphatisira Kamera peno Interfone

THANGWI YANJI NDI PYAKUFUNIKA: Thangwi yakuthambaruka kwa tekinolojiya na kunjipa kwa uphanga, anthu azinji asaphatisira kamera peno interfone m’manyumba mwawo toera kutsidzikizika. Panango tinagopa kumwaza mphangwa kuna munthu wakuti nee tikumuona, mbwenye iye ndiye anationa. Pitsogolero pinatowera pinatiphedza toera kumwaza mphangwa mukuphatisira kamera peno interfone mwakukhonda gopa.

TINACITA TANI PYENEPI:

• Khalani na maonero adidi. Anthu azinji akuti ali na kamera peno interfone m’manyumba mwawo asafuna kucedza na ife

• Kumbukani kuti makamera anango asatoma kugravari mbamudzati kuliza kampainya, pontho mwanaciro nyumba anakwanisa kukuonani na kukubveserani mu ndzidzi unalimira imwe pa nsuwo wa nyumba yace

• Mwanaciro nyumba angakutawirani mukuphatisira kamera peno interfone, longani ninga mukucedza naye nkhope na nkhope. Mwetulirani, pontho citani majesto. Longani mphangwa zidakhunganyika imwe. Khala nyumba ineyi iri na kamera, lekani kukhala cifupi na kamera. Khala mwanaciro nyumba nee atawira lekani kulonga mphangwa zidakhunganyika imwe

• Mungamala kucedza, kumbukani kuti mwanaciro nyumba anapitiriza kukuonani na kukubveserani