Midzidzi ya Misonkhano ya Gawo Ndi Yakutsandzayisa Kakamwe

Thangwi yanji tisatsandzaya kakamwe pa misonkhano ya gawo? Ninga pikhacita Aizraeli, misonkhano ya gawo isatipasa mwai toera kulambira Yahova pabodzi na abale na alongo azinji kakamwe. Ife tisakomerwa kakamwe na pinthu pinapfundza ife pa misonkhano ineyi, thangwi pisatiphedza toera kukhala na uxamwali wakuwanga na Yahova. Pontho tisakomerwa kakamwe kucedza na axamwali pabodzi na acibale athu. Na thangwi ineyi, tisafunika kugumanika pa nsonkhano unoyu wa ntsiku zitatu.

Tingagumanika pa misonkhano ineyi nee tisafunika kunyerezera basi ene pinafuna ife, mbwenye tisafunikambo kupangiza ufuni kuna anango. (Agal. 6:10; Aheb. 10:24, 25) Kusiyapo pyenepi, ife tinapangiza citsalakano kuna m’bale peno mulongo tinganfungulira nsuwo toera apite peno tingakoyera mbuto basi ene numero ya anthu ali na ife. (Afil. 2:3, 4) Pontho pa misonkhano ineyi tisakhala na miyai yakucita axamwali apswa. Natenepa, ife tinakwanisa kucedza na abale na alongo akusiyana-siya programu mbidzati kutoma, mu ndzidzi wakupuma na tingakotoka. (2 Akor. 6:13) Pontho uxamwali unacita ife pa misonkhano ineyi usakhala wakwenda na kwenda. Kusiyapo pyenepi, anango angaona kuti tisafunana kakamwe, panango anafunambo kutumikira Yahova.—Juwau 13:35.

ONANI VIDHYU YA NSOLO WAKUTI MISONKHANO YA GAWO INACEMERWA ABALE NA ALONGO A M’MADZIKO ANANGO: “UFUNI NKHABE KUMALA,” BULUKA PENEPO TAWIRANI MIBVUNDZO IYI:

• 

  Kodi abale na alongo apangiza tani ufuni kuna abale na alongo adagumanika pa misonkhano ya gawo ya 2019?

• 

  Thangwi yanji kuphatana na kufunana kwa atumiki a Yahova ndi kwakudzumatirisa kakamwe?

• 

  Ndi cinthu cipi cidalonga Mathubo Akutonga thangwi ya kufunana kwa abale na alongo?

• 

  Kodi ufuni waphedza tani abale na alongo a ku Alemanya na a ku Koreya do Sul toera kukhala akuphatana?

• Tisafunika kukhala akutonga toera kucitanji?