Phatisirani Bukhu Yakuti Seja Feliz para Sempre! mu Utumiki

Ife tiri akutsandzaya kakamwe thangwi yakukhala na bruxura na bukhu ipswa toera kucitisa mapfundziro a Bhibhlya. Ife tisaphembera kuna Yahova toera atiphedze kucita anyakupfundza azinji. (Mat. 28:18-20; 1 Akor. 3:6-9) Tinaphatisira tani mafaramentu anewa mapswa?

Nakuti tisaphatisira bukhu yakuti Seja Feliz para Sempre! pakucitisa pfundziro ya Bhibhlya, towezerani pitsogolero ipi pakukhunganyika na pakucitisa mapfundziro a Bhibhlya.a

• Lerini ndima, pontho cedzani thangwi ya mibvundzo

• Lerini malemba ali na cidzindikiro cakuti “lerini,” pontho phedzani nyakupfundza toera abvesese kuti anaphatisira tani malemba anewa

• Pangizani mavidhyu, pontho cedzani mukuphatisira mibvundzo inalonga pya vidhyu ineyi

• Wangisirani toera kumalisa ntsiku ibodzi ene nsolo unapfundza imwe

Mu ndzidzi unamwaza imwe mphangwa, pakutoma gawirani bhruxura toera kuona khala munthu asafuna kupfundza Bhibhlya. (Onani bokosi ya nsolo wakuti “Munagawira Tani Bhruxura Yakuti Tsandzayani na Umaso Kwenda na Kwenda! pa Ulendo Wakutoma.”) Mungamalisa kupfundza bhruxura, pontho khala nyakupfundza asafuna kupitiriza kupfundza, mpaseni bukhu yakuti Seja Feliz para Sempre! pontho tomani kupfundza naye nsolo 04. Khala imwe mukuphatisira ibodzi mwa mabukhu peno mabhruxura pakucitisa pfundziro, cinjani toera muphatisire bukhu yakuti Seja Feliz para Sempre!, pontho sankhulani nsolo unafuna imwe kutoma.

ONANI VIDHYU YA NSOLO WAKUTI BEM-VINDO AO SEU CURSO DA BÍBLIA, BULUKA PENEPO TAWIRANI MIBVUNDZO IYI:

• Anyakupfundza Bhibhlya anapfundzanji m’bukhu ipswa?

• Thangwi yanji musafunika kupangiza vidhyu ineyi anyakupfundza apswa?

• Ndi pifuno pipi pyakuti mwapang’ono-pang’ono musafunika kuphedza nyakupfundza wanu toera kupikhazikisa na kupikwanirisa?—Onani makhundu akuti “O que vamos ver? na Tente o seguinte”