Pitirizani Kupfundzisa Luso Yanu Yakudzindikira

Munthu anacita mapika asafunika kupitiriza kucita exercício toera akhonde kuduwala maluso ace. Munjira ibodzi ene, ife tisafunika kupitiriza kupfundzisa luso yathu yakudzindikira. (Aheb. 5:14) Maseze ife tisakhala na cipendamiro ca kutowezera pisankhulo pinacita anthu anango, tisafunika kupfundza toera tikwanise kukhala na maluso akucita pisankhulo tekha. Thangwi yanji? Thangwi m’bodzi na m’bodzi wa ife anadzatawira ekhene thangwi ya pisankhulo pinacita iye.—Aroma 14:12.

Ife nee tisafunika kunyerezera kuti tinakwanisa kucita pisankhulo pyadidi basi ene thangwi tiri na pyaka pizinji pya kubatizwa. Toera tikwanise kucita pisankhulo mwandzeru, tisafunika kunyindira kakamwe Yahova, Mafala ace na gulu yace.—Yos. 1:7, 8; Mis. 3:5, 6; Mat. 24:45.

ONANI VIDHYU YA NSOLO WAKUTI ‘MANTENHA UMA BOA CONSCIÊNCIA,’ BULUKA PENEPO TAWIRANI MIBVUNDZO IYI:

• 

  Ndi cisankhulo cipo cakuti Ema akhafunika kucicita?

• 

  Thangwi yanji tisafunika kucalira kulonga maonero athu thangwi ya pinthu pyakuti pisakhuya cikumbuntima?

• 

  Ndi uphungu upi wadidi udapereka banja inango kuna Ema?

• 

  Kodi Ema agumana kupi mphangwa zakufunika thangwi ya cisankhulo cace?