Tawirani Ciphedzo ca Yahova Kubulukira m’Phembero

Yahova ndiye anacitisa kuti mbeu ya undimomwene ikule mbikhala na mitcitci muntima mwa munthu. (1 Akor. 3:6-9) Natenepa, toera tikwanise kupembera mu utumiki, tisafunika kunyindira Yahova toera aphedze ife na anyakupfundza athu a Bhibhlya.

Phembani Yahova toera aphedze anyakupfundza anu kuti akwanise kupirira mikakamizo na kukunda pinentso. (Afil. 1:9, 10) Phembani nzimu wakucena toera utsogolere manyerezero anu na pinthu pinacita imwe. (Luka 11:13) Pfundzisani anyakupfundza anu a Bhibhlya kuti anacita tani phembero, pontho akulumizeni toera acite pyenepi. Citani phembero pabodzi na anyakupfundza anu a Bhibhlya mbamulonga madzina awo mu ndzidzi unacita imwe phembero.

ONANI VIDHYU YA NSOLO WAKUTI TSANDZAYANI M’BASA YAKUMWAZA MPHANGWA—TAWIRANI CIPHEDZO CA YAHOVA—PHEMBERO, BULUKA PENEPO TAWIRANI MIBVUNDZO IYI:

• Ndi cinentso cipi cidakhala na Rita mu ndzidzi ukhapfundzisa iye Zaida?

• Kodi lemba ya 1 Akorinto 3:6 yaphedza tani Rita?

• Rita acitanji toera kumalisa cinentso cikhali na iye?