Banja Ndi Cibverano ca Kwenda na Kwenda

Mabanja Acikristu akuti asabverana mwadidi asapasa mbiri Yahova, pontho asacitisa nkazi na mamuna kutsandzaya. (Marko 10:9) Toera kukhala na banja yakuwanga na yakutsandzaya, Akristu asafunika kuwangisira kuphatisira midida ya Bhibhlya pakusankhula munthu wakumanga naye banja.

Ndi pyakufunika kudikhira mpaka kupiringana “thunga ya uwana” mbamudzati kusaka munthu toera kumanga naye banja, thangwi cilepelepe cakupita m’mabonde cinakukulumizani toera kucita pisankhulo pyakuipa. (1 Akor. 7:36) Phatisirani mwadidi ndzidzi wa uphale wanu toera kuwangisa uxamwali wanu na Yahova na kukulisa makhaliro Acikristu. Buluka penepo, imwe munadzagumana munthu wadidi wakumanga naye banja mbamukhala akutsandzaya.

Mbamudzati tawira kumanga banja na munthu, khalani na ndzidzi toera kudziwa “uunthu wakubisika wamuntima” mwace. (1 Ped. 3:4) Khala pana pinthu pinakupenulisani mu ndzidzi unabanyirana imwe, cedzani na munthu anabanyirana na imwe. Ninga pinacita axamwali, anyakumanga banja asafunika kunyerezera pinthu pinafuna ndzawo wa m’banja, tayu pinthu pinafuna iwo basi. (Afil. 2:3, 4) Mungaphatisira midida ya Bhibhlya mbamudzati kumanga banja, pinakhala pyakukhonda nentsa kupitiriza kuiphatisira mungamala kumanga banja, pontho pyenepi pinakuphedzani toera kukhala na banja yakutsandzaya.

ONANI VIDHYU YA NSOLO WAKUTI PARA QUEM PENSA EM SE CASAR—PARTE 3: ‘CALCULE AS DESPESAS,’ BULUKA PENEPO TAWIRANI MIBVUNDZO IYI:

• Kodi kubanyirana kwa mulongo unoyu na Shane kukhafamba tani?

• Ndi pinthu pipi pidadzindikira mulongo mu ndzidzi ukhadziwa iye mwadidi Shane?

• Anyakubalace am’phedza tani, pontho ndi cisankhulo cipi cadidi cidacita iye?