KUKHALA M’MASO NINGA AKRISTU

Ndinaphedzera Tani Toera Tipitirize Kudziwika na Makhaliro Adidi?

Anthu asaona makhaliro adidi a Mboni za Yahova. (1 Akor. 4:9) Natenepa tisafunika kubvundzika: ‘Malongero na macitiro anga asapasa mbiri Yahova?’ (1 Ped. 2:12) Nee tisafunika kucita pinthu pyakuti pinapswipisa makhaliro adidi ali na Mboni za Yahova kutomera kale.—Ekle. 10:1.

Mu pinthu pinatowera lembani kuti Nkristu anatawira tani, pontho lembani vesi ya Bhibhlya yakuti inakuphedzani:

Munthu wakuti nee asatumikira Yahova angalonga na imwe mwakuipirwa

Ntawiro wanu
Nguwo zanu, karu yanu peno panyumba panu pangakhala pakupswipa

Ntawiro wanu
Ntemo wapacisa ungaoneka ninga wakusowa ulungami peno wakunentsa toera kuubvera

Ntawiro wanu

Foto: Makhundu a vidhyu yakuti “Mabukhu Anaphedzera Toera Kufuna na Kulemedza Undimomwene.” 1. M’bale ali kufufudza m’bukhu. 2. M’bale na mulongo ali kudinga mphangwa zinafuna iwo kufufudza. 3. Matsamba adaphatisirwa toera kufufudza ali dhuzi na bhruxura yakuti “A Origem da Vida – Cinco Perguntas Que Merecem Resposta.” 4. Nkazi apita mu saiti ya jw.org mu ntokodzi wace.

Abale na alongo anacita basa yakufufudza mu Dhepartamentu Yakulemba asaphedzera tani toera tipitirize kukhala na makhaliro adidi?

ONANI VIDHYU YA NSOLO WAKUTI MABUKHU ANAPHEDZERA TOERA KUFUNA NA KULEMEDZA UNDIMOMWENE, BULUKA PENEPO TAWIRANI MBVUNDZO UYU:

Ninji pinakudzumatirisani thangwi yakuwangisira kwa gulu toera kukhunganya mphangwa zandimomwene?

Ntawiro wanu