Yezu “Apfundza Kukhala Wakubvera”

Ndzidzi onsene Yezu asabvera Yahova. (Juw. 8:29) Mphapo thangwi yanji Bhibhlya isalonga kuti iye: “Apfundza kukhala wakubvera kubulukira mu nyatwa zidaona iye”?—Aheb. 5:8.

Pikhali Yezu pa dziko yapantsi, iye atamba nyatwa zakusiyana-siyana. Mwacitsandzo, anyakubalace akhali akukhulupirika kuna Yahova, mbwenye akhali a madawo. (Luka 2:51) Iye atsalakanwa mwakuipa na atsogoleri a mauphemberi na mautongi. (Mat. 26:59; Marko 15:15) Pontho “iye acepeseka mbakhala wakubvera mpaka kufa.”—Afil. 2:8.

Pyenepi pyonsene pyapfundzisa Yezu kukhala wakubvera munjira ipswa kuna iye. Natenepa, iye athema kukhala Mambo na Nyantsembe wakusowa madawo, wakuti anakwanisa kutibvesesa. (Aheb. 4:15; 5:9) Nakuti iye apfundza kakamwe kubvera thangwi ya nyatwa zidatamba iye, Yezu ndi wakufunika kakamwe kuna Yahova. Pinthu pyenepi pinacitikambo kuna ife. Tingapitiriza kukhala akubvera mwakukhonda tsalakana nyatwa zinatamba ife, tinakhalambo akufunika kakamwe kuna Yahova mbatikhala akuthema kucita mabasa onsene anatipasa iye.—Tiya. 1:4.