Samweli Wakutoma
10 Buluka penepo, Samweli akwata ntete wa mafuta mbaatsanulira munsolo mwa Sauli.+ Iye ampswompswona mbampanga: “Yahova akudzodza toera ukhale ntsogoleri+ wa mbumba yace.+ 2 Lero ungabuluka pano, unagumana amuna awiri dhuzi na nthumbi ya Rakeli+ ku Zeliza mucisa ca Bhenjamini, iwo anadzakupanga: ‘Maburu akhasaka iwe agumanwa, mbwenye babako asiya kudzudzumika na maburu,+ basi ene asapswipa ntima thangwi ya imwe. Iye asalonga: “Mwananga adzati kubwerera, ndinacitanji?”’ 3 Ungabuluka penepo, ndoko mpaka pamuti ukulu wa Tabhori, penepo unagumanikana na amuna atatu akuti ali kuenda kalambira Mulungu wandimomwene ku Bheteli,+ mʼbodzi athukula anambuzi atatu, unango athukula mikate mitatu, unangombo athukula citomba ca vinyu. 4 Iwo anakumwanyika mbakupasa mikate miwiri, iwe usafunika kutambira mikate ineyi. 5 Buluka penepo, unafika paphiri ya Mulungu wandimomwene, penepo unagumana nsoka wa anyankhondo a Afilisti. Ungafika mu nzinda, unagumanikana na nsoka wa aprofeta akubuluka pa nthunda, mbakalonga ninga pinacita aprofeta. Pontho patsogolo pawo pali na anthu anaimba pyakuimba napyo pya nkhambala, ngʼoma zingʼono, pitoliro,* na maarpa. 6 Nzimu wa Yahova unadzakupasa mphambvu,+ mbulongambo ninga mprofeta pabodzi na iwo, pontho unadzakhala ninga munthu unango.+ 7 Pinthu pyenepi pingacitika, cita pyonsene pinakwanisa iwe, thangwi Mulungu wandimomwene ali na iwe. 8 Tsogola ku Jiligale,+ ine ndinakugumana kweneko toera kupereka ntsembe zakupiswa na ntsembe toera kupereka takhuta. Usafunika kudikhira ntsiku zinomwe mpaka ine kufika kweneko. Buluka penepo, ine ndinakupanga pinafunika iwe kucita.”
9 Sauli pidazungunuka iye toera abuluke pana Samweli, Mulungu atoma kucinja ntima wace toera akhale sawasawa na anthu onsene. Pyonsene pidalonga Samweli pyacitika pa ntsiku ineyi. 10 Natenepa, iwo abuluka kweneko mbaenda kuphiri, pontho iye agumanikana na nsoka wa aprofeta. Penepo pene nzimu wa Mulungu wampasa mphambvu,+ mbatomambo kulonga ninga mprofeta+ pabodzi na aprofeta anango. 11 Anthu onsene akuti akhandziwa pidamuona iwo mbakalonga ninga mprofeta pabodzi na aprofeta anango, abvundzana unango na ndzace: “Ninji pinacitika kuna mwana wa Kisi? Kodi Sauli ndi mprofetambo?” 12 Munthu mʼbodzi wa kweneko atawira: “Kodi aprofeta anango babawo mbani?” Ndi penepo padatoma nsangani wakuti: “Kodi Sauli ndi mprofetambo?”+
13 Pidamala Sauli kulonga ninga mprofeta, aenda pa nthunda. 14 Mukupita kwa ndzidzi, mʼbale wa babace Sauli abvundza Sauli pabodzi na nyabasa wace: “Mukhadaenda kupi?” Penepo iye atawira: “Tikhadaenda kasaka maburu,+ mbwenye nee taaona, natenepa taenda kuna Samweli.” 15 Mʼbale wa babace Sauli abvundza: “Ndipangeni, Samweli akupanganinji?” 16 Sauli antawira: “Iye atipanga kuti maburu agumanwa.” Mbwenye Sauli nee alonga pidapangwa iye na Samweli kuti anadzakhala mambo.
17 Samweli acemeresa Aizraeli pamaso pa Yahova ku Mispa,+ 18 mbaapanga: “Yahova Mulungu wa Izraeli alonga tenepa: ‘Ndine adabulusa Izraeli ku Ejitu,+ mbandikupulumusani mʼmanja mwa Aejitu na mwa amambo onsene akhakupondererani. 19 Mbwenye lero, imwe mwakhonda Mulungu wanu,+ ule adakupulumusani mu pinentso pyanu pyonsene na mu nyatwa zanu, mbamulonga: “Nkhabe, khazikisani mambo toera atitonge.” Cincino khalani dzololo pamaso pa Yahova mwakubverana na madzindza anu na mabanja anu.’”*
20 Natenepa, Samweli apanga madzindza onsene a Izraeli toera abwere dhuzi,+ mbisankhulwa dzindza ya Bhenjamini.+ 21 Buluka penepo, iye apanga dzindza ya Bhenjamini toera ibwere kutsogolo mwakubverana na mabanja awo, mbisankhulwa banja ya Amatriti. Pakumalisa asankhulwa Sauli mwana wa Kisi.+ Mbwenye pidansaka iwo, nee amuona. 22 Natenepa iwo abvundza Yahova:+ “Mamuna unoyu afika pano?” Yahova atawira: “Ali penepo, iye abisala pakati pa mitolo.” 23 Natenepa, iwo athamanga mbaenda kankwata. Pidalimira iye pakati pa mbumba, akhali wakulapha kakamwe, pontho anthu onsene akulapha akhadhromera mʼmapewa mwace.+ 24 Samweli apanga mbumba yonsene: “Onani munthu adasankhulwa na Yahova!+ Nkhabepo munthu ninga iye pakati pa mbumba yonsene.” Penepo mbumba yonsene yatoma kukhuwa: “Mbakuzwe mambo!”*
25 Samweli apanga mbumba pinthu pinacitirwa amambo,+ apilemba mʼbukhu mbaikha bukhu ineyi pamaso pa Yahova. Buluka penepo, Samweli apanga anthu onsene toera abwerere kunyumba kwawo. 26 Sauli aendambo kunyumba kwace ku Jibheya, mbaperekerwa na anyankhondo akuti mitima yawo yakulumizwa na Yahova. 27 Mbwenye amuna anango akuipa alonga: “Munthu unoyu anakwanisa tani kutipulumusa?”+ Natenepa, iwo ampwaza mbakhonda kumpasa miyoni.+ Mbwenye Sauli nee alonga cinthu.*