Kronika Wakutoma
7 Ana a Isakari akhali Tola, Puwa, Yasubhi na Simironi;+ onsene akhali anai. 2 Ana a Tola akhali Uzi, Refaya, Yerieli, Yamai, Ibhisamu na Semueli; iwo akhali atsogoleri a madzindza awo. Mu dzindza ya Tola mukhali na anyankhondo amphambvu akuti mu ntsiku za Dhavidhi akhali 22.600. 3 Ana a dzindza ya Uzi akhali Iziraiya na ana a Iziraiya: Mikaeli, Obhadhiya, Yoeli na Isiya; onsene ndi axanu akuti akhali atsogoleri. 4 Iwo na madzindza awo akhali na akazi azinji na ana azinji, natenepa mbumba yawo ikhali na anyankhondo 36.000 mu nsoka wawo wa anyankhondo, akuti akhali akukhunganyika toera kumenya nkhondo. 5 Abale awo onsene a dzindza ya Isakari akhali anyankhondo amphambvu. Onsene akhalipo amuna 87.000 adalemberwa mwakubverana na dzindza yawo.+
6 Ana a Bhenjamini+ akhali Bhela,+ Bhekeri+ na Yedhieli;+ onsene akhali atatu. 7 Ana a Bhela akhali Ezibhoni, Uzi, Uzieli, Yerimoti na Iri; onsene akhali axanu. Iwo akhali atsogoleri a madzindza awo na anyankhondo amphambvu. Onsene adalemberwa mwakubverana na madzindza awo akhali amuna 22.034.+ 8 Ana a Bhekeri akhali Zemira, Yowasi, Eliezeri, Elioenai, Omiri, Yeremoti, Abhiya, Anatote na Alemeti. Onsene akhali ana a Bhekeri. 9 Onsene adalemberwa mwakubverana na madzindza awo, mwakubverana na atsogoleri a mbumba zawo, akhalipo anyankhondo amphambvu akukwana 20.200. 10 Mwana wa Yedhieli+ akhali Bhiliani. Ana a Bhiliani akhali Yeusi, Bhenjamini, Eudhi, Kenana, Zetani, Tarsi na Aisari. 11 Onsene akhali ana a Yedhieli, mwakubverana na atsogoleri a ambuyawo. Akhalipo anyankhondo amphambvu akukwana 17.200 adakhunganyika toera kupita mu nsoka wa anyankhondo awo toera kumenya nkhondo.
12 Asupimi na Aupimu akhali ana a Iri,+ Ausimu akhali ana a dzindza ya Aeri.
13 Ana a Nafitali+ akhali Yaziyeli, Guni, Yezeri na Salumu. Onsene akhali a dzindza ya Bhila.+
14 Awa ndi ana a Manase:+ Azrieli adabala iye na nkazace unango wa ku Sirya. (Nkazi unoyu ndiye adabala Makiri+ pai wace Jiliyadhi. 15 Makiri asembera nkazi Upimu na Supimi. M’bale wace wankazi akhacemerwa Maaka.) Waciwiri akhacemerwa Zelofeadhe,+ mbwenye Zelofeadhe abala ana akazi basi.+ 16 Maaka nkazace Makiri abala mwana mbampasa dzina ya Peresi; m’bale wace akhacemerwa Seresi; ana a Seresi akhali Ulamu na Rekemu. 17 Mwana wa Ulamu akhali Bhedhani. Anewa akhali ana a Jiliyadhi mwana wa Makiri, Makiri akhali mwana wa Manase. 18 Jiliyadhi akhali na m’bale wace wankazi akhacemerwa Amoleketi. Iye abala Isodhi, Abhiezeri na Maala. 19 Ana a Semidha akhali Aiani, Sikemu, Liki na Aniamu.
20 Ana a Efraimu+ akhali Sutela,+ Sutela abala Bheredhi, Bheredhi abala Taati, Taati abala Eleadha, Eleadha abala Taati, 21 Taati abala Zabhadhi, Zabhadhi abala Sutela, Sutela abala Ezeri na Eliadhi. Amuna a ku Gati+ adabalwa mu dziko ineyi, aapha thangwi iwo akhadaenda kaabera pifuyo pyawo. 22 Efraimu wakuti ndi pai wawo, alira mu ntsiku zizinji thangwi ya iwo, abale ace aenda kam’balangaza. 23 Buluka penepo, iye apita m’mabonde na nkazace, nkazace akhala na mimba mbabala mwana wamamuna. Iye ampasa dzina ya Bheriya* thangwi iye abala mwana unoyu mu ndzidzi udagwerwa iye na cidengwa panyumba pace. 24 Iye abala mwana wankazi akhacemerwa Seera, wakuti ndiye adamanga mizinda ya Bheti-Oroni wa ku Gowa,+ Bheti-Oroni wa ku Nthunda+ na Uzeni-Sera. 25 Refa na Resefe akhali a dzindza ya Efraimu, Resefe abala Tela, Tela abala Taani, 26 Taani abala Ladhani, Ladhani abala Amiyudhi, Amiyudhi abala Elizama, 27 Elizama abala Nuni, Nuni abala Yoswa.*+
28 Mbuto zawo na pisa pyawo pikhali Bheteli+ na pisa pya n’khundu mwace, kumabulukiro a dzuwa ukhali nzinda wa Narani, kumadokero a dzuwa ukhali nzinda wa Jezeri na pisa pya n’khundu mwace, Sikemu na pisa pya n’khundu mwace mpaka ku Aiya* na pisa pya n’khundu mwace. 29 Kukhundu ya ana a dzindza ya Manase kukhali nzinda wa Bheti-Seyani+ na pisa pya n’khundu mwace, Tanaki+ na pisa pya n’khundu mwace, Mejidho+ na pisa pya n’khundu mwace na Dhori+ na pisa pya n’khundu mwace. Dzindza ya Zuze mwana wa Izraeli ikakhala m’mizinda ineyi.
30 Ana a Azeri akhali Imina, Isiva, Isivi na Bheriya;+ m’bale wawo wankazi akhali Sera.+ 31 Ana a Bheriya akhali Ebheri na Malkiyeli wakuti akhali pai wace Bhirzaiti. 32 Ebheri abala Yafileti, Someri, Otamu na m’bale wawo wankazi akhacemerwa Sua. 33 Ana a Yafileti akhali Pasaki, Bhimali na Asivati. Anewa akhali ana a Yafileti. 34 Ana a Semeri* akhali Ai, Roga, Yeubha na Aramu. 35 Ana a Elemi* m’bale wace Semeri akhali Zofa, Imena, Selesi na Amali. 36 Ana a Zofa akhali Suwa, Arneferi, Suwali, Bheri, Imira. 37 Bhezeri, Odhe, Sama, Silisa, Itirani na Bheera. 38 Ana a Yeteri akhali Yefune, Pisipa na Ara. 39 Ana a Ula akhali Araa, Aniyeli na Riziya. 40 Onsene awa akhali ana a Azeri, atsogoleri a mbumba zawo, anyankhondo amphambvu, adidi kakamwe na akulu a atsogoleri. Onsene adalemberwa mwakubverana na madzindza awo+ akhali anyankhondo akukwana 26.000+ adakhunganyika toera kuenda kunkhondo.