• Umaso Watoma Tani?
    Tsandzayani na Umaso Kwenda na Kwenda!​—Kucedza Pabodzi Thangwi Ya Bhibhlya

    • 3. Ninji pinacitisa anthu kukhala akusiyana na pinyama?

      Pakumala kucita dziko yapantsi, Yahova acita miti na pinyama. Buluka penepo, ‘Mulungu acita munthu wakulandana na iye.’ (Lerini Genesi 1:27.) Ninji pinacitisa kuti ife anthu na pinyama tikhale akusiyana? Nakuti tacitwa mwakulandana na Mulungu, ife tinakwanisa kutowezera makhaliro ace, ninga ufuni na ulungami. Mulungu aticitambo na luso yakupfundza pilongero, kukomerwa na nyimbo na kukomerwa na pinthu pyakubalika pinaona ife. Mwakusiyana na pinyama ife tinakwanisa kulambira Nciti wathu.

  • Umaso Watoma Tani?
    Tsandzayani na Umaso Kwenda na Kwenda!​—Kucedza Pabodzi Thangwi Ya Bhibhlya

    • 5. Pinalonga Bhibhlya thangwi ya kucitwa kwa pinthu ndi pyandimomwene

      Pa Genesi 1, Bhibhlya isalonga pya kucitwa kwa dziko yapantsi na pyonsene piri mwenemu. Musaona kuti ndi pyakuthema kukhulupira pyenepi peno basi ene ndi uthambi? Onani VIDHYU, buluka penepo cedzani thangwi ya mibvundzo inatowera.

      VIDHYU: Kodi Alipo Adacita Pinthu Piri Kudzulu na pa Dziko Yapantsi?—Vidhyu Yakugwandwa (3:51)

      Foto: Makhundu a vidhyu yakuti ‘Kodi Alipo Adacita Pinthu Piri Kudzulu na pa Dziko Yapantsi?—Vidhyu Yakugwandwa.’ 1. Anthu pa dziko yapantsi akhaona tani pinthu pikhacitika pa ntsiku 6 yakucitwa kwa pinthu. 2. Pakupita ntsiku 6 yakucitwa kwa pinthu dziko ikhali na dzuwa, mataka, madzi, pinthu pyakumera, mbalame, pinyama pya kuntunda na anthu.

      • Kodi Bhibhlya isapfundzisa kuti dziko yapantsi yacitwa mu ntsiku zitanthatu za midzidzi 24?

      • Kodi imwe musaona kuti pinalonga Bhibhlya thangwi ya kucitwa kwa pinthu ndi pyandimomwene? Thangwi yanji musanyerezera tenepo?

      Lerini Genesi 1:1, buluka penepo cedzani thangwi ya mbvundzo uyu:

      • Asiyentista asalonga kuti kudzulu na dziko yapantsi piri na matomero. Pyenepi pisabverana tani na pidamala imwe kuleri m’Bhibhlya?

      Anthu anango asanyerezera kuti Mulungu aphatisira kusanduka kwa pinthu toera kucita pinthu piri na umaso. Lerini Genesi 1:21, 25, 27, buluka penepo cedzani thangwi ya mibvundzo iyi:

      • Kodi Bhibhlya isapfundzisa kuti Mulungu aphatisira kusanduka kwa pinthu toera kucita ntsomba, pinyama na anthu? Peno kuti iye acita pinthu pyonsene pya umaso mwakubverana na ‘mitundu yapyo’?b