BHIBHLIYOTEKA MU INTERNETI ya Torre de Vigia

Musalemedza Umaso Ninga Munacitira Mulungu?

Khalani Mu Ufuni wa Mulungu
- 5, 6. Mwambo wa Mose ukhapangiza tani kuti ciropa ndi cakucena na cakufunika kakamwe? (Onanimbo bokosi “Lemedzani Umaso Wa Pinyama.“)
  
  ⁵ Pipfundziso pyenepi piwiri pikhapangizwa pakweca m’Mwambo wa Mose. Pa Levitiko 17:10, 11 tisaleri: ‘Munthu wa Israele peno munthu onsene angadya ciropa, Ine ndinadzaipirwa na iye mbandidzampha. Thangwi ciropa ndi moyo wa nyama zonsene, unakupasani Ine pa guwa ya ntsembe, toera mulekerwe naco, thangwi ciropa ndico cinacita malekerero kuna munthu.’a—Onani bokosi yakuti “Mphambvu Ya Ciropa Yakufudza Madawo,”.
  
  MPHAMBVU YA CIROPA YAKUFUDZA MADAWO
  
  M’mafala a Mulungu, ciropa cisaoniwa ninga umaso. Na thangwi ineyi, mbuto mwa kutcinyusa nyakudawa thangwi yakuswa matongero a Yahova, mu Israele wakale nyakudawa mbadakwanisa kupereka cinyama ninga ntsembe pa guwa ya ntsembe ya Mulungu. (Levitiko 4:27-31) Ntsembe ineyi ikhafudza madawo ace, mbwenye basi ene mu ndzidzi wakucepa.
  
  M’Bhibhlya fala yakuti, ‘kufudza’ isapereka nyerezero ya “kucinja” peno “kuphimbira,” mwacitsandzo ninga mphampha peno tampa yadidi ya phande. Mwandimomwene nkhabe cinyama ca “kuphimbira,” peno kufudza madawo a munthu. Natenepa, ntsembe za pinyama zikhali ninga nthunzi wa ntsembe yaungwiro yakufudza madawo ikhafuna kudza.—Ahebere 10:1, 4.
  
  Pyenepi pyakwanisika kubulukira mu ‘kupereka manungo a Yezu Kristu kabodzi kokha.’ (Ahebere 10:10) Umaso waungwiro waumunthu wa Kristu, udapangizwa na ‘ciropa ca mwanabira wakusowa midonthi na wakusowa madawo,’ ndi sawasawa na umaso udaluza Adhamu. (1 Pedro 1:19) Natenepa, munjira yakuthema na yaufuni, ulungami udacitwa na ‘ciomboli ca midzidzi yonsene’ wakhala wakukwanisika.—Ahebere 9:11, 12; Jwau 3:16; Apokalipse 7:14.

Musalemedza Umaso Ninga Munacitira Mulungu?

Khalani Mu Ufuni wa Mulungu
- a Mwakubverana na mafala a Mulungu akuti, ‘ciropa ndi moyo wa nyama,’ tsamba ya mphangwa Scientific American yalonga: “Ndi pyandimomwene kuti ciropa cinakwanisa kuoniwa ninga ciphiphiriso peno cidzindikiro ca umaso, mafala anewa ndi andimomwene: ntundu ubodzi wa selula ya ciropa ndi wakufunika toera tikhale maso.”