Muti Ungagwandwa Unakwanisa Kuphukira Pontho?

MWAKULANDANISWA na miti ya sedro ya ku Libano, mulivera ukulu usaoneka ninga nee ndi wakudzumisa kakamwe. Mbwenye milivera iri na makhaliro akuti asaphedza toera kupirira makhaliro akunentsa. Milivera inango isalongwa kuti iri na pyaka 1.000 pya umaso. Mitcitci ya kutawa kakamwe ya milivera isaphedza toera kuphukira muti upswa, maseze muti wace ungagwandwa. Khala mitcitci iciri maso, iwo unadzaphukira pontho.

Yobe akhali na cinyindiro cakuti angafa, mbadakhala pontho na umaso. (Yobe 14:13-15) Iye aphatisira muti toera kupangiza cinyindiro cace cakuti Mulungu ali na luso ya kumulamusa muli akufa. Panango muti ukhalonga iye ukhali mulivera. Yobe alonga: ‘Muti ene uli na cidikhiro. Ungatemwa, unaphwetera pontho mbutawisa nthawi zipswa. Muti wenewu ungasalikira tsinde na mitcitci ya kale basi pantsi pace, male ungabvumbirwa pang’ono basi, unaphwetera pontho ninga muti upswa.’​—Yobe 14:7-9.

Ninga nyakulima wakuti asafuna kakamwe kuona mitcitci ya mulivera udatemwa mbikaphukira pontho, Yahova asafuna kakamwe kulamusa atumiki ace adafa, kuphatanizambo anthu azinji. (Mat. 22:31, 32; Jwau 5:28, 29; Mach. 24:15) Pinadzakhala pyakutsandzayisa kakamwe kutambira anthu anewa adafa, na kuaona mbakatsandzaya pontho na umaso wadidi kakamwe!