‘Pitirizani Kukhala Maso’

Mat. 25:1-12

Maseze nsangani wa Yezu wa amiyali khumi ukhalonga makamaka pya atowereri ace akudzodzwa, mbwenye ninga Akristu tinapfundza pizinji kubulukira ku nsangani unoyu. (w15 15/3 12-16) ‘Pitirizani kukhala maso, thangwi imwe nkhabe dziwa ntsiku nee ndzidzi.’ (Mat. 25:13) Kodi munakwanisa kufokotoza nsangani unoyu wa Yezu?

• Mankhadzi (vesi 1)—Yezu

• Amiyali andzeru na akukhunganyika (vesi 2)—Akristu akudzodzwa akuti ndi akukhulupirika ali akukhunganyika toera kucita basa yawo mbayetimira mpaka kunkhomo (Afil. 2:15)

• Nkhuwo: ‘Mankhadzi afika!’ (vesi 6)—Cipangizo cakuonekera kwa Yezu

• Amiyali aupswiru (vesi 8)—Akristu akudzodzwa akuti aenda kaonana na Mankhadzi, mbwenye thangwi yakukhonda kwawo kukhala maso, asiya kukhala akukhulupirika

• Amiyali andzeru akhonda kugawana mafuta awo (vesi 9)—Pakumala kuikhwa cidzindikiro cakumalisa, nkhabe kwanisikabve kuti Akristu akudzodzwa akukhulupirika aphedze akukhonda kukhulupirika

• “Mankhadzi afika” (vesi 10)—Dhuzi na kunkhomo kwa nyatwa ikulu Yezu anabwera toera kudzatonga anthu

• Amiyali andzeru apita na mankhadzi toera kucita phwando yakumanga banja, buluka penepo nsuwo wafungwa (vesi 10)—Yezu anadzagumanya Akristu akukhulupirika kudzulu, ale akukhonda khulupirika anadzaluza muoni wawo wakudzulu