BHIBHLIYOTEKA MU INTERNETI ya Torre de Vigia

“Apostolo na Akulu a Mpingo Agumanyikana”

‘Perekani Umboni Wakukwana’ Thangwi ya Umambo wa Mulungu
- KHUNDU 5 • MABASA 15:1-35
  
  “Apostolo Na Akulu A Mpingo Agumanyikana”
  
  MABASA 15:6
  
  Kulongezana kwacitisa kuti m’mipingo mukhonde kuoneka kubverana na ntendere. Kodi mipingo mbidaphemba kupi ciphedzo na citsogolero toera kumalisa kukhonda kubverana kweneku? Mu khundu ino, ife tinapfundza thangwi ya njira ikhatsalakanwa mipingo mu ndzidzi wa apostolo yakuti ndi citsandzo cinafunika kutowezerwa na gulu ya Mulungu lero.

“Pidamala Iwo Ndzidzi Ungasi Mbakapokanyisana”

‘Perekani Umboni Wakukwana’ Thangwi ya Umambo wa Mulungu
- PIPFUNDZISO PYA ABALE AUTHAMBI
  
  Maseze mathubo akutonga akhadalonga pakweca kuti toera munthu akhale Nkristu nee akhafunika kusidzwa, mbwenye anango akhapitiriza kukakamira pyenepi. Mpostolo Paulu aacemera ninga “abale authambi” akuti akhafuna “kudodomesa mphangwa zadidi zinalonga pya Kristu.”—Agal. 1:7; 2:4; Tito 1:10.
  
  Abale anewa authambi akhafuna kukomeresa Ayuda toera iwo akhonde kutcingwa. (Agal. 6:12, 13) Iwo alonga kuti toera munthu aoniwe kukhala wakulungama akhafunika kubvera Mwambo wa Mose, pyenepi pikhaphataniza pinthu pikhafunika iwo kudya, maphwando akhafunika iwo kucita na kufunika kwa kusidzwa.—Akol. 2:16.
  
  Akristu akakhulupira kuti abale anewa authambi nee akhafuna kukhala pabodzi na abale akuti nee akhali Ayuda. Mwakutsukwalisa, Akristu anango Aciyuda akuti akhatsogolera mu mpingo akhadakhuyiwa na manyerezero anewa. Mwacitsandzo, abale adabuluka ku mpingo wa Yerusalemu pidafika iwo ku Antiyokiya, iwo apitiriza kukhala kutali na abale awo a dzindza inango. Ngakhale Pedhru wakuti akakhala pabodzi na abale a madzindza anango, mu ndzidzi unoyu acalira kudya na iwo. Natenepa iye atoma kucita pinthu pyakuti iye akhadakhondesa anango kupicita. Na thangwi ineyi, Pedhru asandikwa mwakuwanga kakamwe na Paulu.—Agal. 2:11-14.