BHIBHLIYOTEKA MU INTERNETI ya Torre de Vigia
Ncenjezi
ya Torre de Vigia
Cisena
  • BHIBHLYA
  • MABUKHU
  • MISONKHANO
  • bh matsa. 3-7
  • Kodi Ici Ndi Cifuniro Ca Mulungu?

Nkhabe kugumanika vidhyu pa khundu ino.

Munatilekerera, paoneka madodo pakupangiza vidhyu.

  • Kodi Ici Ndi Cifuniro Ca Mulungu?
  • Kodi Mwandimomwene Bhibhlya Isapfundzisanji?
  • Misolo Ming'ono
  • BHIBHLYA ISAPFUNDZISA KUTI MULUNGU ANADZABWERESA KUCINJA UKU PA DZIKO YAPANTSI.
  • PHINDULANI NA PIPFUNDZISO PYA BHIBHLYA
Kodi Mwandimomwene Bhibhlya Isapfundzisanji?
bh matsa. 3-7

Kodi Ici Ndi Cifuniro Ca Mulungu?

MUNGALERI matsamba a mphangwa, mungaona televizau, peno mungabvesera radyo, munadzagumana kuti pyadzala na pyakucitika pya uphanga, nkhondo, na upandu. Nyerezerani pinentso pyanu. Panango utenda peno kufa kwa nyakufunika wanu pisakubwereserani nyatwa zizinji. Panango munapibva ninga mamuna wadidi Yobe, ule adalonga kuti akhali ‘ntcerengi peno akhali na nyatwa zizinji.’—Yobe 10:15.

Bvundzikani:

  • Kodi ici ndi cifuniro ca Mulungu kwa ine na kwa anthu onsene?

  • Ndinagumana kupi ciphedzo toera kuthimbana na nyatwa zanga?

  • Pana cidikhiro cakuti tinadzaona ntendere pa dziko yapantsi?

Bhibhlya isapereka matawiro akutsandzayisa ku mibvundzo ineyi.

BHIBHLYA ISAPFUNDZISA KUTI MULUNGU ANADZABWERESA KUCINJA UKU PA DZIKO YAPANTSI.

‘Anapukuta misozi yonsene m’maso mwawo. Kufa hakunadzakhalapo pontho tayu, nee kutsukwala, nee kulira, nee nyatwa, thangwi pya kale pyamala.’​—Apokalipse 21:4

“Anyanfutete anadzafamba mbanumpha ninga mbawala.”​—Izaiya 35:6

“Aboliboli anadzaona pontho.”​—Izaiya 35:5

“Anthu onsene anagona mu nthumbi . . . anadzalamukambo.”​—Jwau 5:28, 29

‘Nee m’bodzi anakhala mu dziko yathu anadzadwala.’​—Izaiya 33:24

‘Dziko yonsene inadzakhala na utende, utende wa mapira na pa mapiri ene.’​—Masalmo 72:16

Dziko yacinja ninga mudapikirira Mulungu: Nkhalamba adzakhala mphale, ntenda na boliboli asawangiswa, nyakufa akulamuswa, cakudya cakunjipa

PHINDULANI NA PIPFUNDZISO PYA BHIBHLYA

Lekani kukhonda mwakucimbiza pidadinga ife nduli ninga pyakukhonda kwanirisika. Mulungu apikira kubweresa pinthu pyenepi, pontho Bhibhlya isafokotoza kuti iye anadzacita tani pyenepi.

Amuna awiri akupfundza Bhibhlya mukuphatisira bukhu Bhibhlya Isapfundzisanji

Mbwenye Bhibhlya isalonga pizinji kupiringana pyenepi. Iyo isapereka njira toera mukhale na umaso wakutsandzayisa ngakhale cincino. Nyerezerani pang’ono thangwi ya pinentso na nyatwa zanu. Panango pinaphataniza kusowa kobiri, nyatwa za m’banja, utenda, peno kufa kwa munthu wakufunika. Bhibhlya inakwanisa kukuphedzani kuthimbana na nyatwa lero, na kubweresa cisudzulo mu kutawira mibvundzo ninga iyi:

  • Thangwi yanji tisanentseka?

  • Tinathimbana tani na pinentso pya umaso?

  • Tinacita tani kuti umaso wa banja yathu ukhale wakutsandzaya?

  • Ninji pinacitika kwa ife tingafa?

  • Kodi tinadzaona pontho anyakufunika athu adafa?

  • Tinakhala tani na cinyindiro kuti Mulungu anadzakwanirisa mapikiro ace thangwi ya ntsogolo?

Kuleri kwanu bukhu ino kusapangiza kuti musafuna kudziwa pinapfundzisa Bhibhlya. Bukhu ino inadzakuphedzani. Onani kuti ndima ibodzi na ibodzi iri na mbvundzo. Anthu azinji asakomerwa kuphatisira mibvundzo na matawiro munapfundza iwo Bhibhlya na Mboni za Yahova. Tisadikhira kuti munakomerwambo. Mulungu mbakupaseni nkhombo thangwi yakupfundza kwanu mwakukomerwa pinapfundzisadi Bhibhlya!

DZIWANI BHIBHLYA YANU

BHIBHLYA iri na mabukhu na matsamba akukwana 66. Iwo agawiwa m’makapitulu na m’mavesi toera kuagumana mwakukhonda nentsa. Mungagumana malemba m’bukhu ino, numero yakutoma patsogolo pa dzina ya bukhu peno tsamba ya Bhibhlya ndi kapitulu, na numero inatowera ndi vesi. Mwacitsandzo, lemba ya “2 Timoti 3:16” isabveka tsamba yaciwiri kwa Timoti, kapitulu 3, vesi 16.

Imwe munadzolowera kuphatisira Bhibhlya mwakucimbiza mungasaka malemba anagumanika m’bukhu ino. Ndiye tani kutoma kucita ndandanda ya kuleri Bhibhlya ntsiku zonsene? Mungaleri makapitulu matatu peno maxanu pa ntsiku, munamala Bhibhlya yonsene pa caka.

    Mabukhu Acisena (1982-2025)
    Bulukani
    Fungulani
    • Cisena
    • Tumizirani Anango
    • Sankhulani Pinafuna Imwe
    • Copyright © 2025 Watch Tower Bible and Tract Society of Pennsylvania
    • Pinafunika Imwe Kutowezera
    • Cibisobiso
    • Configurações de Privacidade
    • JW.ORG
    • Fungulani
    Tumizirani Anango