Ndakomerwa Kakamwe Na Dziko Ya Serra

Tsamba 169

LEOA CINDY MCINTIRE

CAKA CAKUBALWA 1960

CAKA CAKUBATIZWA 1974

MBIRI YA UMASO WACE Ndi misionaryo kubulukira mu caka 1992. Iye atumikira ku Guine na Senegal, lero akutumikira ku Serra Leoa.

PIDAFIKA ine, pa masumana mawiri basi ndatoma kukomerwa na dziko ya Serra Leoa. Ndikhadzuma kakamwe pikhaona ine anthu mbakathukula mitolo yakulemera pa nsolo. Pisa pikhadadzala na anthu. Ana asasendzeka mbabvina m’miseu, akhaimba manja mbagwegwedusa miyendo yawo. Ndikhadzuma kakamwe pinthu pyakusiyana-siyana pikhacita anthu na maimbiro awo.

Mbwenye pidakomerwa na ine kakamwe kuno ndi kumwaza mphangwa. Anthu a ku Sera Leoa asatambira anthu na manja mawiri. Iwo asalemedza Bhibhlya na asabvesera mwadidi. Kazinji kene iwo asandipitisa n’nyumba. Ndingapangana, anango asandiperekera mpaka ku nseu. Citsalakano ceneci cisandiphedza toera kuthimbana na makhaliro akunentsa pang’ono, ninga kusoweka kwa madzi, na magesi.

Nakuti ine nkhabe mamuna, midzidzi inango anthu asandibvundza khala nee ndisatsoperwa. Mwandimomwene, ndiri na pinthu pizinji toera kucita, natenepa nkhabe ndzidzi toera kukhala wakutsoperwa. Ndiri wakutsandzaya thangwi ndiri na cifuniro candimomwene mu umaso.