Cipfundziso ca Mulungu Cisamalisa Kusankhulana

Yahova nkhabe yang’ana nkhope. (Mac. 10:34, 35) Iye asatawira anthu ‘a mitundu yonsene, madzindza onsene na pilongero pyonsene.’ (Apok. 7:9) Natenepa, nkhabe funika kuoneka kusankhulana m’mpingo Wacikristu. (Tya. 2:1-4) Thangwi ya cipfundziso ca Mulungu, ife tisatsandzaya na paradhizu yauzimu yakuti tisaiona mbikacinja makhaliro a anthu. (Iza. 11:6-9) Munawangisira ife toera kubulusa muntima mwathu ntundu onsene wakusankhulana, tisapangiza kuti tisatowezera Mulungu.—Aef. 5:1, 2.

ONANI VIDYU YAKUTI JOHNY E GIDEON: ANTES INIMIGOS, AGORA IRMÃOS. BULUKA PENEPO TAWIRANI MIBVUNDZO IYI:

• Thangwi yanji cipfundziso ca Mulungu ndi cadidi kakamwe kupiringana kuwangisira kwa anthu toera kumalisa kusankhulana?

• Ninji cinakudzumatirisani thangwi ya ubale wathu wa pa dziko yonsene yapantsi?

• Kodi Yahova asapaswa tani mbiri thangwi yakuwangisira kwathu Kwacikristu toera kukhala akuphatana?