“Ife Nkhabe Kubwerera Nduli”

2 Akor. 4:16-18

Nyerezerani kuti mabanja mawiri akukhala n’nyumba ibodzi ene yakuti ndi yakale na yakugomoka-gomoka. Banja ibodzi iri yakutsukwala kakamwe thangwi ya makhaliro a nyumba yawo. Mbwenye banja inango iri yakutsandzaya kakamwe. Thangwi yanji? Banja yaciwiri iri yakutsandzaya thangwi mwakukhonda dembuka inafuluka mbienda kakhala n’nyumba ipswa.

Maseze “pinthu pyonsene pidacitwa pisapitiriza kubulira pabodzi pene, pontho pisabva kupha pabodzi pene mpaka cincino,” mbwenye atumiki a Mulungu ali na cidikhiro cakutsandzayisa kakamwe. (Aroma 8:22) Ife tisadziwa kuti nyatwa zonsene zinatamba ife cincino, ndi za “ndzidzi wakucepa na zakululupa” tingazilandanisa na umaso wakukhonda mala mu dziko ipswa ya Mulungu. Ndzidzi onsene tinganyerezera pya nkhombo zinafuna kubweresa Umambo wa Mulungu tinakhala akutsandzaya mbitikhonda kubwerera nduli.