NYIMBO 95
Ceza Cikuthimizirika
Yadhindwa
1. Aprofeta akhafuna kudziwa
Pya Mesiya akhadikhirwa.
Nzimu wa M’lungu wapangiza kuti
Yezu mbadakhala Mesiya.
Ndzidzi wafika, Yezu akutonga,
Tisaona pipangizo.
Ndi mwai kupfundza pinthu pyakuti
Aanju asafuna dziwa.
(KORO)
Ceza cadzathimizirika
N’njira inafamba ife.
Pinatipangiza Yahova
Ndi citsogolero cathu.
2. Yahova akhazikisa m’bandazi
Kuti atipase cakudya.
Tisapaswa cipfundziso cadidi
Cinakhuya mitima yathu.
Tifambe mu ceza ca masikati
Kuti tikhonde tayika.
Tisapereka takhuta kwa M’lungu
Na kutipasa ceza cace.
(KORO)
Ceza cadzathimizirika
N’njira inafamba ife.
Pinatipangiza Yahova
Ndi citsogolero cathu.
(Onanimbo Arom. 8:22; 1 Akor. 2:10; 1 Ped. 1:12.)