Kubwerezera Kwa Xikola Ya Utumiki Wa Mulungu

Mibvunzo yakutowerera iyi inadzadingwa pa Xikola Ya Utumiki Wa Mulungu nkati mwa sumana inatoma pa ntsiku 28 ya nthanda ya Madzalo ya 2011. Muyang’aniri wa xikola anadzatsogolera kubwerezera kweneku kwa mphindi 20 kudabuluswa m’mphangwa zidadingwa mu nkhani za sumana inatoma pa ntsiku 3 ya nthanda ya Thongwe mpaka sumana inatoma pa ntsiku 28 ya nthanda ya Madzalo ya 2011.

1. Kodi ndi basa ipi idacita Ezekiya pakutoma kutonga kwace, na tinakwanisa tani kunsangizira lero? (2 Pya dziko. 29:16-18) [w09-T 15/6 tsa. 9 ndima 13]

2. Kodi 2 Pya dziko ya Israele 36:21 isagomeza tani kukwanirisika kwa profesiya idalembwa pa Yeremiya 25:8-11? [w06-T 15/11 tsa. 32 ndima 1-4]

3. Kodi Ezara 3:1-6 isaphedzera tani cidzindikiro ca m’Bhibhlya cakuti kufudzwa kwa pyaka 70 kwa Yerusalemu kwamala mu ndzidzi wakuthema? [w06-T 15/1 tsa. 19 ndima 2]

4. Thangwi yanji Ezara adzudzumika mudadziwa iye pya kumanga banja na anthu a dziko? (Ezara 9:1-3) [w06-T 15/1 tsa. 20 ndima 1]

5. Kodi mbani akhali “anthu ache [peno akulu],” na ndi n’khaliro upi ukhali na iwo wakuti tisafunika kuucalira? (Neh. 3:5) [w06-T 1/2 tsa. 10 ndima 1; w86-T 15/2 tsa. 25]

6. Kodi Governadoro Nehemiya ndi citsanzo cadidi tani kwa ayang’aniri Acikristu? [si-T tsa. 90 ndima 16]

7. Ninga Aisraele mu ntsiku za Nehemiya, kodi tinacalira tani kupwaza “nyumba ya Mulungu” wathu? (Neh. 10:32-39) [w98-T 15/10 matsa. 21-22 ndima 12]

8. Kodi kunyerezera pidacita Nehemiya kunatitsogolera kucita mibvunzo ipi? (Neh. 13:31) [w96-T 9/15 tsa. 17 ndima 3]

9. Kodi Estere apita m’mabonde mu njira ya ulukwali na Mambo Aswero? (Estere 2:14-17) [w91-T 1/1 tsa. 31 ndima 6]

10. Thangwi yanji Mordekai akhonda kugodamira Amani? (Estere 3:2, 4) [it-3-T tsa. 26 ndima 10]