Aphale Na Atsikana Akubvundza—Ndinakhala Tani Na Axamwali Andimomwene?
Yahova acita anthu mu njira yakuti anakwanisa kucedza na kucita uxamwali. (Mis. 17:17; 18:1, 24) Toera uxamwali unoyu ukhale wakuphindulisa kakamwe, tisafunika kusankhula mwadidi axamwali athu. (Mis. 13:20) Pakumala kuona vidyu yakuti Os Jovens Perguntam, Como Fazer Verdadeiros Amigos?, munakwanisa kutawira mibvundzo iyi?
Khundu Yakutoma:
(1) Kodi xamwali wandimomwene ndi ninji?
Mipingizo Ya Uxamwali:
(2) Kodi tinakwanisa tani kukunda mabvero akuti tirikuikhwa pakhundu? (Afil. 2:4) (3) Thangwi yanji tisafunika kusasanyira makhaliro athu, na mbani angakwanise kutiphedza kucita pyenepi? (2 Akor. 13:11) (4) Kodi tinakwanisa tani kufungula njira toera kukhala na miyai yakukhala na axamwali azinji?—2 Akor. 6:13.
Uxamwali Na Mulungu:
(5) Kodi tinakwanisa tani kukulisa uxamwali wapaduzi na Yahova, na thangwi yanji kucita pyenepi ndi kwakufunika kakamwe? (Sal. 34:8) (6) Tingacita uxamwali mwadidi na Yahova, tinakhala na maphindu api kubulukira ku uxamwali wathu na anthu?
Axamwali Akuipa:
(7) Kodi mbani axamwali akuipa? (1 Akor. 15:33, Mphangwa Zadidi) (8) Kodi axamwali akuipa anakwanisa tani kufudza uxamwali wathu na Yahova?
Drama Ya Ntsiku Zino:
(9) Kodi cakucitika ca m’Biblya cinalonga pya Dina cisatipfundzisanji? (Gen. 34:1, 2, 7, 19) (10) Ndi mathangwi api adalonga Tara akuti ancitisa kusakhula aphale na atsikana akukhonda khulupira ninga axamwali? (11) Kodi axamwali a kuxikola ya Tara antsogolera ku ngozwi ipi? (12) Thangwi yanji anyakubala a Tara acimwana kudzindikira ngozwi ikhagumanika na iye, mbwenye mudadzindikira iwo ngozwi ineyi acitanji toera kumphedza kukulisa pontho uxamwali wace na Yahova? (13) Kodi mulongo wakuti ndi mpainiya apangiza tani kukhala xamwali wandimomwene wa Tara? (14) Kodi Tara adzindikira tani kusiyana kwa axamwali?
Khundu Yakumalisa:
(15) Kodi ndi ntsonga zipi zidapfundza imwe kubulukira ku vidyu ineyi? (16) Munaphatisira tani vidyu ineyi toera kuphedza anango?
Tendeni tisankhule axamwali akuti anadzatiphedza toera kupitiriza kukhala na uxamwali wadidi kakamwe kupiringana uxamwali onsene—uxamwali wathu na Mulungu!—Sal. 15:1, 4; Iza. 41:8.