Pinthu Pinango Toera Kufufudza

Pinthu Toera Kupfundzisa Napyo Ana

Anyakubala ali na basa ikulu yakupfundzisa anawo thangwi ya Yahova. (Aef. 6:4) Toera kuphedza anyakubala, gulu ya Yahova isakhunganya misolo, mavidhyu na nyimbo zizinji. Munaphatisira tani pinthu pyenepi toera kupfundzisa ananu?

• Pitani mu JW.ORG. Mwenemo muli na pinthu pyakuti pinaphedza ananu, ninga mavidhyu na pinthu pinango pyakuti ananu anakwanisa kupicita pakupfundza.a Toera kugumana pinthu pyenepi sakani mafala akuti “Crianças” peno “Adolescentes” pa bokosi yakufufudza.

• Sankhulani pinthu pyakubverana na mwananu. Pa khundu yakuti “Crianças” munakwanisa kusankhula mavidhyu, nyimbo na pinthu pinango pyakuti pinaphedza ananu. Toera kugumana pinthu pyenepi, sakani pa khundu yakuti “Projetos Para a Adoração em Família.”

• Khalani na ndzidzi toera kucedza pinthu pyenepi na ananu. Lekani kusiya mwananu toera kuona mavidhyu anewa na pinthu pinango basi ene thangwi nee ali na pinthu toera kucita. M’mbuto mwace, cedzani na mwananu thangwi ya pinthu pyenepi, pontho mphedzeni toera awangise uxamwali wace na Yahova.