Wangisani Cinyindiro Canu Cakuti Yahova Anakupulumusani

Lerini Numero 13:25–14:4, pontho onani pinthu pinapangiza kuti Aizraeli nee akhanyindira Yahova.

Onani mavesi a nduli na a ntsogolo. Thangwi yanji Aizraeli akhafunika kunyindira Yahova mu ndzidzi ukhabuluka iwo ku Ejitu? (Mas. 78:12-16, 43-53) Ninji cidacitisa Aizraeli kusiya kunyindira Yahova? (Deut. 1:26-28) Yoswa na Kalebe apangiza tani kuti akhanyindira Yahova?—Num. 14:6-9.

Sakani mphangwa zinango. Aizraeli akhafunika kucitanji toera kunyindira kakamwe Yahova? (Mas. 9:10; 22:4; 78:11) Kunyindira na kulemedza Yahova pisabverana tani?—Num. 14:11.

Tisapfundzanji? Bvundzikani:

• ‘Ndi pinthu pipi pyakuti panango pinandicimwanisa kunyindira Yahova?’

• ‘Ndinawangisa tani cinyindiro canga kuna Yahova cincino na ntsogolo?’

• ‘Nakuti nyatwa ikulu iri dhuzi, ndi cinyindiro cipi cinafunika ine kukhala naco?’—Luka 21:25-28.