JANUARY 8-14
YOB 34-35
Dwein 30 Ɔne Mbaeɛ | Kã Bɔ Ɔkɔhɔso Nanwo Dwirɛ (Min. 1)
1. Mmerɛ Bɔ Besisi Wɔ Ɔ
(Min. 10)
Kae kyɛ, nna Nyameɛ yeɛ ɔmaa besisi mmenia ɔ (Yob 34:10; mwbr24.01 2 ¶3)
Bɛbɔ besisi mmenia ne, ebia b’adwene kɔyɛ bɛ kyɛ bafa bɛnwo bali, nakoso Yehowa nwu bɔ bɛyɛ namu (Yob 34:21-26; mwbr24.01 3 ¶1)
Bɛbɔ besisi bɛ ne, atẽe pá bɔ yɛkɔfa so yɛkɔboka bɛ yeɛ ole kyɛ, yekohyirehyire bɛ Yehowa nwo nikye ɔ (Yob 35:9, 10; Mat 28:19, 20; mwbr24.01 3 ¶2)
2. Bible Nu Dwirɛ Titire
(Min. 10)
Yob 35:7—Mmerɛ bɔ Elihu bisale Yob kyɛ: ‘Nzikyɛ mvasoɛ yeɛ Nyameɛ nya fi wɔ berɛ ne,’ nzu yeɛ né ɔpena kyire ɔ? (mwbr24.01 3 ¶3)
Nzu yeɛ ɛhyɛle ye nzorɛ wɔ dapɛen he Bible kengalɛ nanu ɔ?
3. Bible Kengalɛ
(Min. 4) Yob 35:1-16 (th adesũa 10)
4. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 3) AWURO-AWURO NU ASƐNGA. Bible adesũa bɔ yɛne mmenia yɛ ne, kã yenwo dwirɛ kyire sona ne. (lmd adesũa 10 porɛ 3)
5. Kyɛbɔ Ɛne Ebie Kɔhyɛ Yebo Kɔbɔ Ngɔmmɔ Ɔ
(Min. 4) MMERƐ BƆ ƐNNE ASƐNGA NU Ɔ. Fa ye kyɛ ayia ebie bɔ ole mmaa, kyire ye kyɛbɔ okonya edwirɛ bie bɔ ɔkɔfa kɔtete ye mmaamɔ wɔ jw.org so ɔ. (lmd adesũa 1 porɛ 4)
6. Kyɛbɔ Ɛkɔyɛ Bible Adesũa Ɔ
(Min. 5) lff adesũa 13 porɛ 5 (lmd adesũa 11 porɛ 3)
Dwein 58
7. Wɔnye Gye Yenwo Kyɛ Ɛkɔbɔ “Edwirɛ Ne Dawure” Kohyire Mmenia Mmerɛ Bɔ Ɛnne Asɛnga Nu Anaa?
(Min. 15) Ngɔmmɔbɔ.
Pɔɔlo tuli Timoteo foɛ kyɛ: “Bɔ edwirɛ ne dawure, ná kɔ so yɔ.” (2Ti 4:2) Greek dwirɛ bɔ behyirele yebo “kɔ so yɔ” ne, bɔ okyire yeɛ ole kyɛ, ebie kɔboɔboa yenwo kɔto berɛ daabiala ɔ. Ɔtɔ mmerɛ bie a, bɛfa bekyirekyire adwuma bɔ sogyafoɛ yɛ nanu. Sɛ ebie te sogyaniɛ a, ɔnzɛkyɛ ɔnwondɛ maa kõɛ ba kora, ná waboɔboa yenwo. Mmom ne, odikyɛ daabiala ɔboɔboa yenwo to berɛ. Sɔ ala yeɛ yɛkoso, odikyɛ daabiala yɛboɔboa yɛnwo yɛ to berɛ ɔ. Sɛ yɛyɛ sɔ a, yɛkɔhora yekoli ebiala adanzeɛ, ɔmva yenwo kyɛ yɛyɛlle y’adwene po kyɛ yɛkɔ asɛnga ne.
Yɛdɔ Yehowa, na nningyein bɔ ɔyɛ ma yɛ ne koso, yɛnye sɔ. Yeti ɛyɛ a, yekuro kyɛ yɛkã ye subaen bɔ ɔyɛ nyemene nanwo dwirɛ yekyire mmenia.
Kenga Edwein 71:8. Afei bisa aliemaamɔ kyɛ:
Nningyein pá bɔ Yehowa ayɛ ama yɛ ne, enu beni yeɛ ɛpena kyɛ ɛkã yenwo dwirɛ kyire mmenia ɔ?
Ɔnate kyɛ yɛdɔ mmenia nati, ɛyɛ a, yekuro kyɛ yɛkã nzɛmba ne yekyire bɛ, mmerɛ bɔ yɛyɛlle y’adwene po kyɛ yɛkɔ asɛnga ɔ.
Bɔ VIDIO bɔ yeɛ ole, Bɔ Ɔmaa Mmeni Pẽe Beenwuni Nahorɛ Ne Ɔ. Afei bisa aliemaamɔ kyɛ:
Nzɛmba ne bɔ yɛkã yekyire mmenia mmerɛ bɔ yɛnne asɛnga nu ne, sɛɛ yeɛ waboka mmeni pẽe maa banwu nahorɛ ne ɔ?
Sɔ mmenia bɔ né bɛkɔ asɔre ne, mmerɛ bɔ beenwuni nahorɛ ne, sɛɛ yeɛ ɔbokale bɛ ɔ?
Ɔdɔ bɔ yele yɛma mmenia ne, sɛɛ yeɛ ɔboka yɛ maa yɛkã nzɛmba ne yekyire bɛ, mmerɛ bɔ yɛyɛlle y’adwene po kyɛ yɛkɔ asɛnga ne?
Nzɛmba ne bɔ yɛkã yekyire mmenia, mmerɛ bɔ yɛnne asɛnga nu ne, ɔte atẽe pá bɔ yɛfa so yɛboka mmenia maa benwu Yehowa ɔ, nzuati ɔ?
8. Asafo Bible Adesũa
(Min. 30) bt-TW yeti 4 alaka bɔ ɔwɔ kr. 33